fbpx
Föstudagur 19.apríl 2024
Fréttir

Gjafmild ekkja gerir læknanám í Bandaríkjunum ókeypis

Ritstjórn DV
Miðvikudaginn 28. febrúar 2024 22:00

Mynd úr safni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Fljótlega verður ókeypis að leggja stund á læknanám við Albert Einstein College of Medicine í New York borg. Þetta má þakka Ruth Gottesman, 93 ára ekkju, sem erfði mikla fjármuni frá eiginmanni sínum.

The New York Times segir að eiginmaður Ruth, David Gottesman, hafi verið einn af fyrstu fjárfestunum í viðskiptaveldinu Berkshire Hathaway, sem var stofnað af Warren Buffett, sem er einn ríkasti maður heims, og hafi efnast vel á því.

Ruth erfði mikla fjármuni eftir David og hefur nú gefið háskólanum einn milljarð dollara, sem svarar til um 137 milljarða íslenskra króna.

Það er ekki ódýrt að stunda háskólanám í Bandaríkjunum. The New York Times segir að margir þeirra sem ljúka læknanámi séu komnir í þá stöðu að skulda sem nemur allt að 30 milljónum íslenskra króna.

Það er engin tilviljun að Ruth gaf Albert Einstein College of Medicine peningana því hún var áður prófessor við skólann.

Gjöf hennar er ein sú stærsta sem bandarískur háskóli hefur fengið.

The New York Times segir að gjöfin sé ekki bara athyglisverð vegna þess um hversu háa upphæð er að ræða, það veki einnig athygli að hún sé gefin háskóla í Bronx-hverfinu sem er fátækasta hverfið í New York. Íbúar í hverfinu eru líklegri en aðrir borgarbúar til að deyja ótímabærum dauða og íbúar hverfisins lifa einna óhollasta lífinu af öllum Bandaríkjamönnum.

David Gottesman lést 2022, 96 ára að aldri. „Hann lét mér eftir, án minnar vitundar, stórt eignasafn í Berkshire Hathaway. Fyrirmælin voru einföld: Gerðu það sem þú vilt við hlutabréfin,“ sagði Ruth að sögn The New York Times.

Skólagjöld í Albert Einstein College of Medicine eru að sögn The New York Times um 59.000 dollarar á ári en það svarar til um 8 milljóna íslenskra króna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hvað má barnið heita? – Herkúles en ekki Boom

Hvað má barnið heita? – Herkúles en ekki Boom
Fréttir
Í gær

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala
Fréttir
Í gær

Halla tjáir sig um ferilskrána: „Ég hef enga ástæðu til að ýkja eitt eða neitt í mínum bakgrunni“

Halla tjáir sig um ferilskrána: „Ég hef enga ástæðu til að ýkja eitt eða neitt í mínum bakgrunni“
Fréttir
Í gær

Tveir nýir meðeigendur hjá Expectus

Tveir nýir meðeigendur hjá Expectus