fbpx
Föstudagur 04.apríl 2025
Fréttir

Komið að úrslitastund í Bandaríkjunum – Tímatafla kosninganna

Kristinn H. Guðnason
Þriðjudaginn 5. nóvember 2024 22:00

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Kosningar fara fram í Bandaríkjunum í dag. Það er kosningar til forseta, allra 435 þingsætanna í neðri deild þingsins, 34 af 100 í öldungadeild, 13 ríkisstjóra og ótal annarra embætta. Einnig til einstakra mála í sumum fylkjum.

Eins og gefur að skilja er mesta spennan í kringum forsetakosningarnar á milli Kamölu Harris varaforseta og Demókrata og Donald Trump fyrrverandi forseta og Repúblikana.

Fyrstu kjördeildir loka að miðnætti á íslenskum tíma og þá gætu úrslit legið fyrir í fyrstu fylkjunum. En sjónvarpsstöðvarnar „kalla“ úrslit eftir afgerandi útgönguspár eða þegar talning er svo langt komin á veg að útséð er með úrslit.

Hafa ber þó í huga að fréttastofur kalla fylki ekki endilega á sama tíma. Til dæmis kallaði Fox News Arizona fylki snemma fyrir Joe Biden árið 2020, langt á undan öðrum fréttastofum. Árið 2000 var Flórída fylki kallað og afturkallað tvisvar, fyrir sitt hvoran frambjóðandann Al Gore og George W. Bush, áður en málið endaði fyrir hæstarétti.

Hvert fylki hefur ákveðið marga kjörmenn og sigurvegarinn fær þá alla. 270 kjörmenn þarf til að vinna kosningarnar.

Fylkin kölluð eitt af öðru

Klukkan 12:00 loka kjördeildir í Indiana (11 kjörmenn), Kentucky (8), Suður Karólínu (9) og Vermont (3) sem öll eru fyrirfram talin örugg fylki fyrir annan hvorn frambjóðandann. Einnig í Virginíu (13) sem ekki er eins öruggt fylki og Georgíu (16), sem er talið vera mjög jafnt. Kjörstjórnir telja sig ná að klára talningu í Georgíu í nótt og ættu því úrslit að liggja fyrir þar í síðasta lagi í fyrramálið.

Það er ekki endilega raunin alls staðar og því alls ekki öruggt að sigurvegari verði kunnur þegar Íslendingar vakna í fyrramálið, ef þeir fara þá yfir höfuð að sofa í nótt.

Kjördeildir loka svo ein af annarri í nótt, frá austri til vesturs. Eru tímarnir eftirfarandi:

00:30 Norður Karólína (16), Ohio (17), Vestur Virginía (4)

1:00 Pennsylvanía (19), Flórída (30), Maine (4), Massachusetts (11), New Hampshire (4), Connecticut (7), Rhode Island (4), New Jersey 14), Maryland (10), Alabama (9), Mississippi (6), Missouri (10), Oklahoma (7), Illinois 19), District of Columbia (Washington borg) (3)

1:30 Arkansas (6)

2:00 Mischigan (15), Wisconsin (10), Arizona (11), New York (28), Minnesota (10), Iowa (6), Norður (3) og Suður Dakota (3), Nebraska (5), Kansas (6), Texas (40), Louisiana (8), Nýja Mexíkó (5), Colorado (10), Wyoming (3)

3:00 Nevada (6), Utah (6), Montana (4)

4:00 Kalifornía (54), Idaho (4), Washington (12), Oregon (8)

5:00 Hawaii (4)

6:00 Alaska (3)

Nýjasta líkindakort vefsíðunnar 270 to Win.

Hafa ber í huga að tvö fylki skipta kjörmönnum sínum upp eftir umdæmum og svo heildarfjölda, það er Maine og Nebraska. Þannig að það eru einu fylkin sem gætu gefið báðum frambjóðendum kjörmenn.

Auk Georgíu eru helstu sveifluríkin Pennsylvanía, Wisconsin, Michigan, Norður Karólína, Nevada og Arizona. Önnur ríki sem vert er að hafa augun á í nótt eru Virginía, New Hampshire, Maine, Flórída, Iowa, Minnesota, Texas, Ohio, Nýja Mexíkó og Nebraska.

Sprengjuhótanir og handtökur

Eins og gefur að skilja hefur ýmislegt gengið á í dag, kjördag, í Bandaríkjunum. Alríkislögreglan FBI hefur greint frá sprengjuhótunum á nokkrum kjörstöðum. Að sögn hennar eiga þessar hótanir rætur sínar að rekja til Rússlands og beri ekki að taka alvarlega. Tveir einstaklingar voru hins vegar handteknir í Michigan vegna hótana við framboðsfundi og félög. Einstaklingur var einnig handtekinn við þinghúsið í Washington í dag, sagður lykta af eldsneyti.

Frambjóðendur í Washington og Flórída

Kamala Harris hefur verið í Washington borg í dag og heldur kosningapartý í Howard háskóla, þar sem hún var sjálf nemandi. Varaforsetaefni hennar Tim Walz hefur verið í Pennsylvaníu í dag en verður með Harris í Washington í kvöld.

Donald Trump kaus í Flórída í dag og heldur partý í West Palm Beach. Milljarðamæringurinn Elon Musk verður þar. Varaforsetaefni hans, J.D. Vance kaus í Ohio í dag.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 15 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú