fbpx
Laugardagur 05.júlí 2025
Fréttir

Segir að Bandaríkin eigi að hætta að veðja á jafntefli í stríðinu í Úkraínu

Ritstjórn DV
Föstudaginn 29. september 2023 07:00

Rússar skutu flugskeyti á þetta fjölbýlishús í Dnipro. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Bandaríkin og Vesturlönd eiga að hætta að veðja á stríðið í Úkraínu endi með jafntefli, þ.e.a.s. að hvorugur stríðsaðilinn sigri, og segja skýrt að meginmarkmiðið sé að Úkraína beri sigur úr býtum og hreki rússneska innrásarliðið á brott frá hernumdu svæðunum.

Þetta sagði Jacob Kaarsbo, sérfræðingur hjá dönsku hugveitunni Tænketanken Europa og fyrrum aðalgreinandi hjá leyniþjónustu danska hersins, í samtali við TV2. Hann sagði að Bandaríkin og Vesturlönd verði að vinna hraðar og láta úkraínska hernum þau vopn í té sem hann hefur þörf fyrir. „Það er þörf á að Bandaríkin breyti markmiði sínu og sendi skýrt merki um að Vesturlönd muni gera það sem þarf til að Úkraína sigri í stríðinu. Það hefur til dæmis tekið allt of langan tíma að afhenda ATACMS-flugskeytin, sem eru svo mikilvæg fyrir gagnsókn Úkraínumanna,“ sagði Kaarsbo.

Ben Hodges, fyrrum yfirmaður bandaríska heraflans í Evrópu og fyrrum yfirmaður herja NATO í Evrópu, sagði nýlega í samtali við Berlingske að það sé þörf á skýrri stefnu Vesturlanda um að Úkraína eigi að sigra í stríðinu.

Hann sagðist taka vel eftir því sem Joe Biden, Bandaríkjaforseti, segir ekki þegar hann ræðir um stuðninginn við Úkraínu. „Mér finnst stærsta vandamálið vera að ríkisstjórnin hefur ekki fram að þessu sagt að Úkraína eigi að vinna stríðið. Hún hefur ekki sagt skýrt að markmiðið sé að Úkraína endurheimti landsvæði sitt samkvæmt alþjóðlega viðurkenndum landamærum frá 1991. Þeir segja nánar tiltekið að Úkraína megi ekki tapa,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Julian McMahon látinn

Nýlegt

Fréttir
Í gær

Húsleitir og handtökur vegna skipulagðrar glæpastarfsemi

Húsleitir og handtökur vegna skipulagðrar glæpastarfsemi
Fréttir
Í gær

Áráttufullur perri í Reykjavík olli konum skelfingu – „Chupa Chupa“

Áráttufullur perri í Reykjavík olli konum skelfingu – „Chupa Chupa“
Fréttir
Fyrir 2 dögum

Harmleikurinn á Edition-hótelinu – Gæsluvarðhald framlengt um fjórar vikur

Harmleikurinn á Edition-hótelinu – Gæsluvarðhald framlengt um fjórar vikur
Fréttir
Fyrir 2 dögum

Hart tekist á um Fannborgarreitinn í Kópavogi – Bílastæði séu einhliða tekin af íbúum

Hart tekist á um Fannborgarreitinn í Kópavogi – Bílastæði séu einhliða tekin af íbúum
Fréttir
Fyrir 2 dögum

Björn mælir með snjóboltaaðferðinni þegar kemur að skuldum heimilisins – „Hefur reynst vel til þess fallin að halda fólki við efnið“

Björn mælir með snjóboltaaðferðinni þegar kemur að skuldum heimilisins – „Hefur reynst vel til þess fallin að halda fólki við efnið“
Fréttir
Fyrir 2 dögum

Fölsuðu bréf svo kennarar í Hofsstaðaskóla gætu fengið styrk til Frakklandsferðar – Kenna undirverktaka um

Fölsuðu bréf svo kennarar í Hofsstaðaskóla gætu fengið styrk til Frakklandsferðar – Kenna undirverktaka um
Fréttir
Fyrir 3 dögum

Bæjarfulltrúi kærði bæjarstjórn Kópavogs til kærunefndar – Gerði í raun athugasemd við sína eigin skipan í ráð

Bæjarfulltrúi kærði bæjarstjórn Kópavogs til kærunefndar – Gerði í raun athugasemd við sína eigin skipan í ráð
Fréttir
Fyrir 3 dögum

Tíu ára bandarísk stúlka lést úr hjartaáfalli í hitabylgjunni í Frakklandi

Tíu ára bandarísk stúlka lést úr hjartaáfalli í hitabylgjunni í Frakklandi