fbpx
Sunnudagur 21.júlí 2024
Fréttir

Úkraínumenn gerðu árás á brúna milli Krím og Rússlands – „Næturgali, minn kæri bróðir“

Jakob Snævar Ólafsson
Mánudaginn 17. júlí 2023 11:02

Mynd sem sýnir skemmdir eftir árásina á brúna milli Krímskaga og Rússlands

Ekki missa af Helstu tíðindum dagsins í pósthólfið þitt

Lesa nánar

Fjölmiðlar víða um heim greindu frá því í morgun að tvær sprengingar hefðu orðið á brúnni yfir Kerch sund sem skilur að Krímskaga og Rússland en eins og kunnugt er innlimuðu Rússar skagann, sem tilheyrði Úkraínu, árið 2014. Brúin er eina vegtengingin milli Rússlands og skagans og bæði bílar og lestir fara þar yfir.

CNN greinir frá því að tvær sprengingar hafi orðið á brúnni milli klukkan 3 og 4 í nótt að staðartíma. Par, karl og kona, sem var að keyra í bifreið sinni yfir brúna lést en dóttir þeirra særðist og hluti brúarinnar hrundi. Að sögn héraðsstjóra Belgorod héraðs í suðurhluta Rússlands var fjölskyldan þaðan og hann vottaði ástvinum hennar samúð sína.

Andrii Yusov talsmaður leyniþjónustu úkraínska hersins segir brúna mjög mikilvæga fyrir birgðaflutninga Rússa vegna yfirstandandi stríðsátaka og verði erfiðara að nota hana komi það Úkraínumönnum til góða í átökunum milli herja þjóðanna. Hann viðurkenndi þó ekki að Úkraínumenn hefðu gert árás á brúna en vitnaði í yfirmann leyniþjónustunnar sem sagði brúna vera óstöðugt mannvirki.

Leyniþjónusta Úkraínu setti inn dulfarfull skilaboð á samfélagsmiðla sem virðast gefa til kynna að hún beri ábyrgð á sprengingunum og hafi þar með gert árás á brúnna:

„Næturgali, minn kæri bróðir. Brúin er farin aftur að sofa.“

Rússneskir fjölmiðlar segja að lestarteinarnir á brúnni hafi ekki skemmst og lestarumferð haldi áfram en þó með töfum.

Rússnesk stjórnvöld segja að Úkraínumenn hafi skotið eldflaugum á brúna með drónum en hafa ekki fært sönnur á þær fullyrðingar. Þau kalla árásina hryðjuverk og segja að sakamálarannsókn sé hafin og leyniþjónusta Úkraínu beri ábyrgðina.

Heimildarmaður CNN innan leyniþjónustu Úkraínu segir árásina hafa verið samvinnuverkefni stofnunarinnar og úkraínska sjóhersins.

Þetta er í annað sinn sem Úkraínumenn gera árás á brúna. Í október á síðasta ári olli mikil sprenging því að hluti hennar hrundi en fyrr í þessum mánuði viðurkenndi Hanna Maliar, aðstoðarvarnarmálaráðherra, að Úkraínumenn hefðu þá gert árás á brúna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar
Fréttir
Í gær

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því
Fréttir
Fyrir 2 dögum

Strandamenn óhamingjusamastir en Skagfirðingar ánægðastir með lífið

Strandamenn óhamingjusamastir en Skagfirðingar ánægðastir með lífið
Fréttir
Fyrir 2 dögum

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar
Fréttir
Fyrir 2 dögum

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það
Fréttir
Fyrir 2 dögum

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“
Fréttir
Fyrir 3 dögum

Neyðarleg rangfærsla á versta tíma og ráðuneytið svarar ekki spurningum um málið

Neyðarleg rangfærsla á versta tíma og ráðuneytið svarar ekki spurningum um málið
Fréttir
Fyrir 3 dögum

Einn lítillega slasaður eftir sprengingu í Leifsstöð

Einn lítillega slasaður eftir sprengingu í Leifsstöð