Þetta sagði Josep Borrel, sem fer með utanríkismál í framkvæmdastjórn ESB, á fréttamannafundi í gær að fundi varnarmálaráðherra ESB-ríkjanna loknum.
Hann sagði að almenn samstaða væri um að þetta þurfi að gera en enn sé nokkrum spurningum ósvarað.
Hann sagði í leiðunum þremur felist að fyrsta árið verði einn milljarður evra settur til hliðar til að bæta aðildarríkjum, sem senda skotfæri sem þau eiga á lager til Úkraínu, kostnaðinn.
Þessi leið er sú hraðasta til að tryggja að Úkraína fái skotfæri fyrir stórskotalið sitt.
Í annarri leiðinni felst að Borrel vill setja einn milljarð evra til Evrópsku varnarmálastofnunarinnar (EDA) sem getur séð um sameiginleg innkaup allra 27 aðildarríkjanna.
Þriðja leiðin gengur út á að ESB-ríki finni sjálf út hvernig þau geta aukið skotfæraframleiðslu sína.