Beki varar við þessu í samtali við ástralska fréttamiðilinn news.co.au en tilefnið er dularfull sending sem birtist fyrir utan útidyrnar á heimili fjölskyldunnar á dögunum.
Um var að ræða matarsendingu frá Uber Eats og segir Beki að hún hafi sannarlega ekki pantað neinn mat frá Uber Eats. Hún spurði dóttur sína út í málið sem viðurkenndi að sendingin væri ætluð henni.
Eftir að hafa gengið á dóttur sína og séð óhugnanleg skilaboð í símanum hennar viðurkenndi stúlkan að hafa komist í kynni við mann sem lofaði að gefa henni gjafir gegn því að hún talaði dónalega við hann. Þurfti stúlkan að sjálfsögðu að gefa upp heimilisfang sitt svo sendingin rataði á réttan stað.
„Börn eru svo áhrifagjörn og gera hvað sem er til að fá eitthvað frítt. Þetta er ógeðslegt,“ segir Beki.
Hún fór með síma dóttur sinnar til lögreglunnar enda taldi Beki að maðurinn væri að reyna að tæla ólögráða dóttur hennar.
„Lögregla hafði áhyggjur af þessu enda hafði hún gefið upp heimilisfang okkar. Við sváfum ekki í nokkrar vikur því við héldum að þessi maður myndi brjótast inn til okkar.“
Beki segir að foreldrar þurfi að vera meðvitaðir um símanotkun barna sinna og þetta dæmi – eins og mýmörg önnur – sanni það.
