fbpx
Föstudagur 30.september 2022
Fréttir

Grunaðir um að framleiða þrívíddarprentaðar byssur – Rassía lögreglu staðið yfir frá því í síðustu viku

Ritstjórn DV
Fimmtudaginn 22. september 2022 13:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Mennirnir fjórir sem handteknir voru í aðgerðum sérsveitar ríkislögreglustjóra í gær eru grunaðir um að framleiða skotvopn með þrívíddarprenturum og alvarlegar hótanir. Þetta kom fram í hádegisfréttum RÚV en farið verður fram á gæsluvarðhald yfir mönnunum í dag samkvæmt fréttastofu. Mennirnir voru handteknir í Holtasmára í Kópavogi og í iðnaðarhverfi í Mosfellsbæ í gær.

Fréttablaðið greindi frá handtökunni í Kópavogi sem að vakti tölvuverða athygli vegfarenda og lýsti einn því sem svo að töluvert uppnám hefði orðið.

Lögreglan hefur ekki viljað svara neinu til um málið en klukkan þrjú í dag verður haldinn blaðamannafundur þar sem að frekari upplýsingar verða veittar.

DV hefur heimildir fyrir því að aðgerðir lögreglu séu umfangsmiklar og hafi staðið yfir frá því í síðustu viku. Um sé að ræða rassíu vegna skotvopna í undirheimunum, sér í lagi framleiðslu á þrívíddarprentuðum byssum sem verða æ algengari hérlendis.

DV hefur heimildir fyrir að minnsta kosti fimm öðrum húsleitum sem áttu sér stað síðustu daga en mögulega eru þær enn fleiri.

Auk þeirra fjögurra sem voru handteknir í gær voru að minnsta kosti tveir aðrir handteknir í síðustu viku.

Fréttamiðillinn Mannlíf náði myndbandi af aðgerð lögreglunnar við Gullinbrú í Grafarvogi en þar var annar hinna tveggja tekin höndum. Samkvæmt blaðamanni miðilsins umkringdu þrír ómerktir bílar með fjöldi  sérsveitarmannavo bíla í vegkantinum. Aðeins einn var handtekinn, eins og áður segir, en lögreglan fór fram á gæsluvarðhald yfir manninum en á það var ekki fallist og var manninum sleppt að lokinni skýrslutöku.

Hinn sem DV veit til að var handtekinn var hins vegar úrskurðaður í gæsluvarðhald í eina viku sem er því við það að renna út.

DV hefur verið í sambandi við aðila sem að tengjast málunum og er það skoðun þeirra að lögreglan hafi farið offari í málinu og haft lítið upp úr krafsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum
Svavar Pétur er látinn
Fréttir
Í gær

Anna Dóra segir nýjan forseta fara með rangt mál – Vildi Tómas úr stjórn og Helgi komst bakdyraleiðina inn

Anna Dóra segir nýjan forseta fara með rangt mál – Vildi Tómas úr stjórn og Helgi komst bakdyraleiðina inn
Fréttir
Í gær

Allt logar í Digraneskirkju – Formaður sóknarnefndar sakaður um ofbeldi – Sóknarnefndin vill fá séra Gunnar aftur

Allt logar í Digraneskirkju – Formaður sóknarnefndar sakaður um ofbeldi – Sóknarnefndin vill fá séra Gunnar aftur