fbpx
Föstudagur 19.ágúst 2022
Fréttir

Skotmaðurinn í Kaupmannahöfn birti óhugnanlegt myndband skömmu fyrir ódæðið – Úrskurðaður í 24 daga gæsluvarðhald

Ritstjórn DV
Mánudaginn 4. júlí 2022 15:15

Ekki missa af Helstu tíðindum dagsins í pósthólfið þitt

Lesa nánar

Sá sem var handtekinn fyrir ódæðið í Fields-verslunarmiðstöðinni í Kaupmannahöfn, 22 ára gamall danskur ríkisborgari, hefur verið úrskurðaður í 24 daga gæsluvarðhald á lokaðri geðdeild.  Eins og fram hefur komið létust þrír einstaklingar í árásinni og fjórir liggja þungt haldnir á sjúkrahúsi. Alls særðust tæplega þrjátíu einstaklingar í árásinni.

Í blaðamannafundi dönsku lögreglunnar fyrr í dag kom fram að skotmaðurinn hafi átt sér sögu um andleg veikindi auk þess sem að hann hafi komist í kast við lögin áður.

Þá hefur komið fram að ódæðismaðurinn aðhylltist hægri öfgaskoðanir og í umræðu á samfélagsmiðlum er ýjað að því að um hatursglæp hafi verið að ræða. Lögreglan ytra vill þó ekki gefa neitt upp um mögulegt tilefni árásarinnar. Segir lögreglan allt benda til þess að skotmaðurinn hafi ekki valið skotmörk sín sérstaklega heldur skotið á allt sem fyrir var. Ekkert bendi til þess að um hryðjuverk hafi verið að ræða

Degi áður en árásin átti sér stað birti ódæðismaðurinn hrollvekjandi myndband á Youtube-síðu sinni, sem nú hefur verið lokað. Um er að ræða sjö mínútna langt myndband sem ber yfirskriftina  „Mér er alveg sama“ (e. „I dont care“). Skotmaðurinn segir ekki orð í öllu myndbandinu en í bakgrunni má heyra lágværa tónlist. Myndbandið, er samsett úr nokkrum myndbrotum, en í þeim öllum má sjá ódæðismanninn  miða meðal annars rifli og skammbyssum að eigin höfði og í einhverjum tilvikum taka í gikkinn.

Myndbandið hefur verið í talsverðri dreifingu á samfélagsmiðlum eins og Reddit síðan að Youtube-síða skotmannsins var tekin niður. Í ljósi þess hvað síðar átti sér stað er óhætt að segja að það sé afar hrollvekjandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli
Fréttir
Fyrir 2 dögum

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“ 

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“