fbpx
Föstudagur 01.júlí 2022
Fréttir

Hjónin á Bakkavör halda áfram að loka inni ketti – „Ætluðu ekki að sleppa kettinum nema við værum í fylgd lögreglu“

Ágúst Borgþór Sverrisson
Mánudaginn 20. júní 2022 10:01

Ekki missa af Helstu tíðindum dagsins í pósthólfið þitt

Lesa nánar

Hjón sem búa við Bakkavör á Seltjarnarnesi hafa amast mjög við heimilisköttum og gripið til aðgerða gegn þeim til að vernda fuglalíf. Eru þau í a.m.k. einu tilviki grunuð um að hafa flutt kött úr úr hverfinu og skilið eftir á víðavangi í Norðlingaholti en einnig hafa þau lokað ketti inni í bílskúr sínum, svo sannað þyki. Ekkert lát virðist á þessum aðgerðum miðað við nýjustu fréttir.

DV ræddi við konuna sem hér á í hlut í síðustu viku. Þar vísaði konan í samþykkt bæjarfélagsins um kattahald, nánar tiltekið eftirfarandi grein:

„Eigendum og umráðamönnum katta ber að taka tillit til fuglalífs á varptíma. Einnig er þeim skylt að gæta þess að kettir valdi ekki tjóni, hættu, óþægindum, óþrifum eða raski ró manna.

Tilkynna skal til skrifstofu Seltjarnarnesbæjar um brottflutning eða dauða kattar.“

Er blaðamaður benti á að ekkert í þessari grein heimilaði fólki að fjarlægja eða loka inni ketti bað hún blaðamann um að eiga góðan dag og sagðist ekki vilja tjá sig frekar um málið.

Eigandi kattarins sem var fluttur upp í Norðlingaholt greinir núna frá því að hjónin hafi aftur haft afskipt af kettinum. Hún skrifar í íbúahóp Seltjarnarness á Facebook:

„Stóra kattarmálið heldur því miður áfram.

Thalía var læst inni á Bakkavör 30 frá föstudegi um kl. 22 til laugardagsmorguns þegar við sóttum hana þangað, sbr. upplýsingar á staðsetningartæki kattarins. Húsráðendur ætluðu ekki að sleppa kettinum nema við værum í fylgd lögreglu. Ákváðu þó að gefa eftir í þetta skipti.

Við heimkomu er hún dekruð af fjölskyldumeðlimum og staðalbúnaðurinn settur í hleðslu. Því miður komst hún út án staðalbúnaðarins og hefur hún ekki komið heim í meira en sólarhring.“

Ekki liggur fyrir hvers vegna kötturinn er horfinn enn á ný en óneitanlega vaknar grunur um hverjir gætu valdið því. Ekki náðist samband við kattareigandann við vinnslu fréttarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ekkert virðist geta bjargað hjólhýsabyggðinni við Laugarvatn – Sveitarstjórn segir nei takk

Ekkert virðist geta bjargað hjólhýsabyggðinni við Laugarvatn – Sveitarstjórn segir nei takk
Fréttir
Í gær

Matvælastofnun varar við hættulegu fitubrennsluefni – Hefur valdið dauðsföllum og alvarlegum eituráhrifum

Matvælastofnun varar við hættulegu fitubrennsluefni – Hefur valdið dauðsföllum og alvarlegum eituráhrifum
Fréttir
Fyrir 2 dögum

Aðalheiður vekur athygli á djammvanda sem blasir við Íslendingum

Aðalheiður vekur athygli á djammvanda sem blasir við Íslendingum
Fréttir
Fyrir 2 dögum

Telur að íbúðir hljóti að lækka í raunverði á næstu árum

Telur að íbúðir hljóti að lækka í raunverði á næstu árum
Fréttir
Fyrir 2 dögum

Tæp 11% koma til VIRK vegna kulnunar eða langvarandi streitu í starfi

Tæp 11% koma til VIRK vegna kulnunar eða langvarandi streitu í starfi
Fréttir
Fyrir 2 dögum

Allt að sex ára fangelsi liggur við meintu broti Arnars og Vítalíu

Allt að sex ára fangelsi liggur við meintu broti Arnars og Vítalíu
Fréttir
Fyrir 3 dögum
Eldur í Dalshrauni