fbpx
Þriðjudagur 24.maí 2022
Fréttir

Pútín getur bara náð markmiðum sínum með því að stigmagna stöðuna og það getur þýtt kjarnorkuvopn

Kristján Kristjánsson
Miðvikudaginn 11. maí 2022 06:07

Kjarnorkusprengja. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Sir James Everad, fyrrum staðgengill æðsta yfirmanns herafla NATÓ í Evrópu, telur að aðeins ein leið sé fær fyrir Vladímír Pútín, Rússlandsforseti, í stríðinu í Úkraínu og að það sé að stigmagna stríðið.

News.com.au skýrir frá þessu.  Í þessu felst að Pútín geti sent allt að 600.000 hermenn til Úkraínu og ákveðið að nota kjarnorkuvopn. Þetta er meðal annars byggt á færslu málaliða í hinum rússneska Wagnerhópi á Telegram en þar hafa þeir fullyrt að rússnesk stjórnvöld verði að kalla 600.000 til 800.000 hermenn til starfa ef fullur sigur á að vinnast á Úkraínu.

Everad segir að Pútín sé ekki í auðveldri stöðu. Hann eigi nefnilega á hættu að rússneskir hershöfðingjar velti honum af stóli ef hann tryggir ekki öruggan sigur í Úkraínu. „Hann er í skelfilegri stöðu. Þetta er algjörlega honum að kenna. Ég get ekki séð að hann geti náð markmiðum sínum án þess að stigmagna hefðbundinn stríðsrekstur,“ sagði Everad.

Everad varar við hættunni á að hinn sífellt einangraði einræðisherra kunni að grípa til þess að beita kjarnorkuvopnum. Það auki hættuna á þessu að Bandaríkin hafa heitið að styðja Úkraínu með tugum milljarða dollara en sérfræðingar segja að sá stuðningur geti snúið gangi stríðsins enn frekar Úkraínu í vil.

„Það sem Pútín hefur fram yfir Vesturlönd er að hann er með mörg mismunandi kjarnorkuvopn, allt frá litlum til þeirra sem geta eytt stórborgum. Í Bretlandi höfum við vopn sem geta eyðilagt borgir en ekki lítil kjarnorkuvopn. Fyrir Pútín er það kannski ekki eins mikil stigmögnun að beita kjarnorkuvopnum eins og við sjáum fyrir okkur,“ sagði Everad og vísaði þar til hugmynda um að Pútín muni beita litlum vígvallakjarnorkusprengjum til að reyna að rjúfa kyrrstöðuna í stríðinu.

Rússnesk stjórnvöld hafa margoft sagt að þau muni ekki beita kjarnorkuvopnum í stríðinu en á móti hefur Pútín margoft minnt á kjarnorkuvopnaeign Rússa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Segir mestar líkur á gosi nærri þeim stöðum þar sem mesta skjálftavirknin hefur verið

Segir mestar líkur á gosi nærri þeim stöðum þar sem mesta skjálftavirknin hefur verið
Fréttir
Fyrir 15 klukkutímum

Biskup Íslands fordæmir brottvísanir hælisleitenda

Biskup Íslands fordæmir brottvísanir hælisleitenda
Fréttir
Í gær

Líklegt að apabólan berist til Íslands – Þórólfur varar við skyndikynnum

Líklegt að apabólan berist til Íslands – Þórólfur varar við skyndikynnum
Fréttir
Í gær

Pólverjar og Úkraínumenn semja um sameiginlega landamæragæslu og fleira

Pólverjar og Úkraínumenn semja um sameiginlega landamæragæslu og fleira
Fréttir
Í gær

Telja að Rússar hafi misst álíka marga hermenn í Úkraínu og féllu í Afganistan

Telja að Rússar hafi misst álíka marga hermenn í Úkraínu og féllu í Afganistan
Fréttir
Í gær

Segir að Pútín sé kominn í blindgötu

Segir að Pútín sé kominn í blindgötu
Fréttir
Fyrir 2 dögum

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu
Fréttir
Fyrir 2 dögum

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“