fbpx
Laugardagur 04.febrúar 2023
Fréttir

Stúlka í Reykjavík ákærð fyrir margvísleg brot – Misþyrmdi stjúpföður sínum með steypuhellu

Ágúst Borgþór Sverrisson
Mánudaginn 14. nóvember 2022 15:30

Ekki missa af Helstu tíðindum dagsins í pósthólfið þitt

Lesa nánar

Stúlka um tvítugt hefur verið ákærð fyrir ógnanir og ofbeldi gegn stjúpföður sínum og móður, auk bíræfinna fjársvika og þjófnaðar úr búningsklefa líkamsræktarstöðvar.

Réttað verður yfir stúlkunni á næstunni við Héraðsdóm Reykjavíkur en ákærandi er Lögreglustjórinn á höfuðborgarsvæðinu. Þinghald í málinu verður lokað vegna fjölskyldutengsla.

DV hefur ákæru í málinu undir höndum. Stúlkan er sökuð um ofbeldisbrot utandyra hjá fjölbýlishúsi á höfuðborgarsvæðinu þann 21. maí 2021. Er hún sökuð um að hafa veist að fimmtugum stjúpföður sínum með ofbeldi, slegið hann ítrekað í vinstri handlegg og kastað steypuhellu í vinstri hönd hans. Hlaut maðurinn nokkra áverka af árásinni.

Stúlkan er einnig ákærð fyrir að hafa hótað móður sinni og stjúpföður lífláti sem og að kveikja í íbúðinni þeirra.

Stúlkan er ennfremur sökuð um þjófnað og fjársvik í mars árið 2020. Þá er hún sögð hafa stolið farsíma af manni og farið inn á aðgang að netbanka hans. Þar hafi hún millifært 688.500 krónur yfir á sinn reikning af tveimur reikningum hans.

Stúlkan er ennfremur sökuð um að hafa stolið bíllyklum, farsíma og peningaveski úr búningsklefa í líkamsræktarstöð og tekið bíl ófrjálsri hendi í kjölfarið. Keyrði hún bílinnn um götur höfuðborgarsvæðisins, segir í ákærunni.

Krafist er að hin ákærða verði dæmd til refsingar og greiðslu alls sakarkostnaðar.

Gerð er krafa um að stúlkan greiði stjúpföður sínum 850.000 krónur í miskabætur. Einnig er hún krafin um greiðslu lögmannskostnaðar hans.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir að Rússar ætli að hefja stórsókn 24. febrúar

Segir að Rússar ætli að hefja stórsókn 24. febrúar
Fréttir
Í gær

Reyndi að stinga lögregluna af á hlaupum

Reyndi að stinga lögregluna af á hlaupum
Fréttir
Fyrir 2 dögum

ESB-ríkin ætla að þjálfa 15.000 úkraínska hermenn til viðbótar

ESB-ríkin ætla að þjálfa 15.000 úkraínska hermenn til viðbótar
Fréttir
Fyrir 2 dögum

Lögreglan skaut fótalausan mann til bana – Myndband

Lögreglan skaut fótalausan mann til bana – Myndband
Fréttir
Fyrir 2 dögum

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð
Fréttir
Fyrir 2 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna