fbpx
Þriðjudagur 05.júlí 2022
Fréttir

Gunný er harðorð: „Eiginmaður minn og fleiri hafa unnið frítt fyrir hans ráðuneyti“

Ritstjórn DV
Fimmtudaginn 23. júní 2022 16:00

Jón Gunnarsson og Guðmundur Ingi Guðbrandsson ráðherrar.

Ekki missa af Helstu tíðindum dagsins í pósthólfið þitt

Lesa nánar

Gunný Magnúsdóttir er harðorð í garð ráðamanna þegar kemur að úrræðum fyrir skjólstæðinga Fangelsismálastofnunar sem eru að koma aftur út í samfélagið.

Í opinni færslu á Facebook, sem hún gaf DV leyfi til að fjalla um, bendir Gunný á að Bati góðgerðarfélagi hafi verið stofnað af eiginmanni hennar, Tolla Morthens, og fleirum eftir að Ásmundur Einar Daðason, fyrrverandi félagsmálaráðherra, bað hann um að koma á laggirnar hópi sem gæti bætt úrræði fyrir skjólstæðinga fangelsismálastofnunar, til þess meðal annars að mæta kröfum pyntingarnefndar Evrópuráðs sem þótti illa farið með skjólstæðinga fangelsismálastofnunar.

Tilgangur félagsins er að aðstoða þá sem hafa þurft að sæta réttargæslu við að komast út í samfélagið að nýju að lokinni afplánun bæði með fræðslu, útvegun atvinnu og húsaskjóli.

Leiðin að stofnun Batahúss var meðal annars skýrsla sem starfshópur á vegum félagsmálaráðuneytisins vann árið 2019. Þar er gegnum gangandi áhersla á heildstæða og þverfaglega nálgun í málefnum einstaklinga sem hafa hlotið fangelsisdóm.

„Ég hef fengið að fylgjast með þessum hópi sem hefur lagt heilmikla vinnu í að koma ríkisstjórninni til hjálpar og koma þessu úrræði á laggirnar.

Ég hef líka orðið vitni af hroka embættismanna sem vilja halda í refsistefnuna og sýnt þessu verkefni andúð,“ segir hún.

Gunný tekur þó fram að bæði Áslaug Arna Sigurbjörnsdóttir, fyrrverandi dómamálaráðherra, sem og Ásmundur Einar sem félagsmálaráðherra, hafi verið í miklum tengslum við hópinn og vildu styðja við félagið á allan hátt.

En nú eru aðrir ráðherrar yfir þessum málaflokkum, Guðmundur Ingi Guðbrandsson er ráðherra félagsmála, og Jón Gunnarsson dómsmálaráðherra.

„Ég vil minna félagsmálaráðherra á það að eiginmaður minn og fleiri hafa unnið frítt fyrir hans ráðuneyti og það hefði verið honum til sóma hefði hann séð sér fært um að sýna því virðingu og mæta á aðalfundinn sem er á morgun,“ skrifar Gunný í gær en aðalfundur Bata fer fram í dag á Grand hótel klukkan 17. „En hvorki hann né nýji dómsmálaráðherrann hafa sett sig í samband við góðgerðafélagið Bata,“ segir hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Króli skiptir um lið
Fréttir
Fyrir 2 dögum

Héðinn og Sveinn segja mannréttindabrot framin á stofnunum landsins „nær daglega“

Héðinn og Sveinn segja mannréttindabrot framin á stofnunum landsins „nær daglega“
Fréttir
Fyrir 2 dögum

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“
Fréttir
Fyrir 3 dögum

Arnar Grant segir að Vítalía hafi ekki sagt satt um Loga Bergmann

Arnar Grant segir að Vítalía hafi ekki sagt satt um Loga Bergmann
Fréttir
Fyrir 3 dögum

Alþýðlegur Bogi ávarpaði Facebookhóp – „Umræðan hér fer ekki framhjá okkur“

Alþýðlegur Bogi ávarpaði Facebookhóp – „Umræðan hér fer ekki framhjá okkur“