Jarðskjálfti upp á 3,2 varð skammt frá Keili á Reykjanesi í kvöld upp úr kl. 10. Skjálftinn fannst vel víða á höfuðborgarsvæðinu.
Nokkrir skjálftar af svipaðri stærð hafa orðið á svæðinu undanfarinn sólarhring. Í tilkynningu Veðurstofunnar á Facebook-segir:
„Í kvöld, 30.sept. kl 22:10 mældist skjálfti 3,2 að stærð um 0,7 km SSV af Keili. Skjálftinn fannst viða á höfuðborgarsvæðinu. Fyrr í dag kl 13:54 mældist skjálfti 3,5 að stærð og í nótt kl. 01:52 mældist skjálfti 3,7 að stærð.
Alls hafa 6 skjálftar af stærð 3,0 og stærri mælst síðan hrina hófst SV af Keili þann 27. september.“