fbpx
Föstudagur 17.september 2021
Fréttir

Framleiða kjöt úr pöddum – Selt á nokkrum veitingastöðum

Kristján Kristjánsson
Föstudaginn 3. september 2021 07:59

Þurrkaðar lifrur dritbjalla. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Umhverfisvænt kjöt úr skordýrum er það sem Malena Sigurgeirsdóttir og Jessica Rose Buhl-Nielsen framleiða. Þær nota prótínduft úr dritbjöllum í kjötið sem er nú þegar selt á nokkrum veitingastöðum í Danmörku.

Fréttablaðið skýrir frá þessu. Malena er hálf-íslensk en hefur búið í Danmörku frá sex ára aldri. Haft er eftir henni að hana hafi alltaf dreymt um að læra læknisfræði en hún hafi tekið sér frí frá skóla í eitt ár áður en hún ætlaði að hefja háskólanám og hafi þá flutt til Afríku þar sem hún kenndi efnafræði og stærðfræði. „Ég bjó hjá fjölskyldu þarna og eitt kvöldið fékk ég steiktar engisprettur í matinn, þá var ekki aftur snúið,“ er haft eftir henni.

Hún og Rose eiga saman fyrirtækið Hey Planet en það framleiðir sælgæti, prótínstykki, hrökkbrauð og kjöt úr prótíndufti sem er unnið úr dritbjöllum.

Áður en hún snæddi engispretturnar í Afríku hafði hún lengi verið grænmetisæta. Í kjölfar engisprettumáltíðarinnar ákvað hún að mennta sig í náttúruauðlinda- og umhverfishagfræði í stað læknisfræði og finna umhverfisvæna aðferð til að framleiða kjöt.

„Skordýr innihalda mikið af járni, kalki, sinki og B12-vítamíni og eru full af prótíni, svo þetta er eiginlega hin fullkomna fæða. Svo er framleiðslan ekki orkufrek. Þegar skordýrum er gefið kíló af fæðu þyngjast þau nánast um kíló en þegar kú eru gefin 20 kíló af fæðu þyngist hún um eitt kíló,“ er haft eftir henni.

Aðspurð sagði hún mikla hugarfarsbreytingu vera að eiga sér stað á hugarfari og matarvenjum Evrópubúa og aðalmálið sé að fá fólk til að smakka og að flestir sem smakka séu ánægðir með bragðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Stöð 2 tekur fyrir orðróm um að Reynir Bergmann sé að byrja þar með þætti – „Það er rangt“

Stöð 2 tekur fyrir orðróm um að Reynir Bergmann sé að byrja þar með þætti – „Það er rangt“
Fréttir
Í gær

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra
Fréttir
Fyrir 3 dögum

Rauðagerðismálið: Pissuspása hjá Shpetim þegar Angjelin losaði sig við byssuna

Rauðagerðismálið: Pissuspása hjá Shpetim þegar Angjelin losaði sig við byssuna
Fréttir
Fyrir 3 dögum

Erlingur upplifði eitraða klefamenningu og fékk nóg er hann heyrði af ógeðfelldri hefð – „Ég mætti aldrei aftur á æfingu“

Erlingur upplifði eitraða klefamenningu og fékk nóg er hann heyrði af ógeðfelldri hefð – „Ég mætti aldrei aftur á æfingu“