fbpx
Föstudagur 22.október 2021
Fréttir

„Er hugsanlegt að múta einhverjum?“ – Samherjamenn töluðu frjálslega um mútugreiðslur

Ritstjórn DV
Föstudaginn 24. september 2021 10:50

Ekki missa af Helstu tíðindum dagsins í pósthólfið þitt

Lesa nánar

Áður óbirt gögn sem Stundin hefur undir höndum sýna víðtæka þekkingu um mútugreiðslur til áhrifamanna í Namibíu til að liðka fyrir um fiskveiðikvóta í lögsögu afríkuríkisins. Samherji hefur hingað til staðhæft að mútugreiðslurnar hafi verið framtak Jóhannesar Stefánssonar, fyrirverandi starfsmanns fyrirtækisins í Namibíu og uppljóstrara fjölmiðla í málinu, en yfirmenn hans hafi ekki vitað af því. Jóhannes hefur sjálfur gengist við því að hafa brotið lög í störfum sínum og meðal annars greitt mútur til tveggja ráðherra. Hann hefur staðhæft að hafa gert þetta með vitund og vilja lykilstjórnenda Samherja, en Samherji hefur andmælt því.

Í tölvupóstssgögnum frá árunum 2011 og 2012 talar Aðalsteinn Helgason, stjórnarmaður í Samherja og einn nánasti samstarfsmaður Þorsteins Más Baldvinssonar, forstjóra fyrirtækisins, frjálslega um mútugreiðslur. Ingvar Júlíusson, fjármálastjóri Samherja á Kýpur, segir að Þorsteinn hafi vitað af hugmyndum um að stofna skúffufyrirtæki í Namibíu.

Í umfjöllun Stundarinnar segir um þátt Aðalsteins Helgasonar:

„Er hugsanlegt að múta einhverjum?“ spurði Aðalsteinn Helgason, einn nánasti samstarfsmaður Þorsteins Más, strax árið 2012, þegar Samherji var að hefja innreið sína í landið. Og stuttu síðar tók hann af allan vafa um að beita mætti hótunum. „Ég á við hvort hægt sé að beita hótunum,“ skrifaði hann. 

„Þorsteinn veit af þessu“

Í greininni segir að Þorsteinn Már hafi haft samkipti við menn um þessi mál í gegnum tölvupóst aðstoðarkonu sinnar. Segir orðrétt um þetta í greininni:

„Tölvupóstur Aðalsteins Helgasonar til Þorsteins Más, í gegnum ritarann hans Margréti Ólafsdóttur, í apríl árið 2011 lýsir vel hugmyndum Samherja um starfsemina í Namibíu. Hún átti helst að vera aðeins að nafninu til, sem „skúffufyrirtæki“: „Til að gera samninga við kvótahafa þarf að vera fyrirtæki í okkar eigu í Namibíu. Við erum nú að kanna með KPMG í Namibíu hversu lítið það má vera og hversu lítil starfsemin getur verið. Við stefnum að því að þetta geti verið skúffufyrirtæki,“ skrifaði hann og bætir við „Ég fer yfir þetta betur þegar við vitum meira.“

Í öðrum skilaboðum, 28 dögum síðar, upplýsti Aðalsteinn þá Sigurstein Ingvarsson, fjármálastjóra Samherja á þeim tíma, og Ingvar Júlíusson, fjármálastjóra Samherja á Kýpur, um fyrirætlanir um að hefja veiðar í Namibíu. „ÞETTA ER ALGJÖRT TRÚNAÐARMÁL“ skrifaði hann en tók sérstaklega fram að „Þorsteinn veit af þessu“.

Kemur fram í pósti frá netfangi aðstoðarkonunnar að ef ætlunin sé að senda póst á Þorstein Má sé betra að senda á netfang aðstoðarkonunnar.

Sjá umfjöllun Stundarinnar

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hvers vegna voru þau sýknuð?

Hvers vegna voru þau sýknuð?
Fréttir
Í gær

Tug milljóna kostnaður vegna skimunar með PCR- og hraðprófum ekki tekinn saman í ráðuneytinu

Tug milljóna kostnaður vegna skimunar með PCR- og hraðprófum ekki tekinn saman í ráðuneytinu
Fréttir
Í gær

Dómur fallinn í Rauðagerðismálinu: Einn í sextán ár – Aðrir sýknaðir

Dómur fallinn í Rauðagerðismálinu: Einn í sextán ár – Aðrir sýknaðir
Fréttir
Í gær

Sorpa semur við blóraböggul GAJA-klúðursins – Fær alls laun í heilt ár og greiddan lögfræðikostnað

Sorpa semur við blóraböggul GAJA-klúðursins – Fær alls laun í heilt ár og greiddan lögfræðikostnað
Fréttir
Fyrir 2 dögum

Kona í stappi við tryggingafélag eftir að hún varð fyrir bíl sem ók yfir á rauðu ljósi

Kona í stappi við tryggingafélag eftir að hún varð fyrir bíl sem ók yfir á rauðu ljósi
Fréttir
Fyrir 2 dögum

Steindór fordæmir skrif Páls – Geðveikir geta vel tjáð sig opinberlega um flókin mál

Steindór fordæmir skrif Páls – Geðveikir geta vel tjáð sig opinberlega um flókin mál
Fréttir
Fyrir 2 dögum

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“
Fréttir
Fyrir 2 dögum

Verða jólatónleikar? Vonast til að geta haldið stórtónleika í lok nóvember

Verða jólatónleikar? Vonast til að geta haldið stórtónleika í lok nóvember