Á ellefta tímanum í gærkvöldi var ekið á barn á rafmagnshlaupahjóli í Kópavogi. Barnið meiddist ekki að því er segir í tilkynningu frá lögreglunni. Um klukkan 20 varð árekstur í Kópavogi. Enginn meiddist en ökumaður er grunaður um að hafa verið undir áhrifum áfengis. Hann var vistaður í fangageymslu.
Í Hlíðahverfi var síðdegis í gær tilkynnt um þjófnað á fatnaði úr sameiginlegu þvottahúsi og um miðnætti var tilkynn um innbrot í geymslur í Hlíðahverfi.
Þrír ökumenn voru handteknir í nótt grunaðir um að vera undir áhrifum fíkniefna.