Tveir menn urðu fyrir líkamsárásá Seltjarnarnesi í nótt, samkvæmt dagbók lögreglu. Er málið var tilkynnt til lögreglu voru báðir búnir að koma sér á slysadeild og fór lögregla þangað og ræddi við þá. Málið er í rannsókn.
Í miðbænum í gærkvöld hafði lögregla afskipti af manni sem var með hnúajárn á sér. Var málið afgreitt með skýrslu á staðnum.
Maður var handtekinn í miðbænum, sagður „víðáttuölvaður“ í dagbók lögreglu og reyndi að efna til slagsmála við allt og alla. Segir að lögreglu hafi ekki gengið að ræða við hann sökum ástands hans og var hann vistaður í fangageymslu.
Þá segir frá því að tilkynnt var um mann að brjóta rúðu í verslun í hverfi 112 í gær. Var maðurinn í mjög annarlegu ástandi og var handtekinn.