fbpx
Mánudagur 21.júní 2021
Fréttir

Rauðagerðismálið: Anton Kristinn ekki lengur grunaður um aðild – Málið formlega fellt niður

Heimir Hannesson
Miðvikudaginn 9. júní 2021 08:00

Armando, til vinstri, var myrtur á heimili sínu í febrúar. Anton og Angjelin voru reglulega nafngreindir saman sem aðilar að málinu. Angjelin hefur nú játað á sig morðið og lögreglan fellt niður rannsókn á aðkomu Antons að málinu. mynd/samsett DV

Ekki missa af Helstu tíðindum dagsins í pósthólfið þitt

Lesa nánar

Lögreglan á höfuðborgarsvæðinu hefur tilkynnt Antoni Kristni Þórarinssyni að rannsókn á aðild hans að morðinu á Armando Beqirai sem skotinn var til bana fyrir utan heimili sitt við Rauðagerði í Reykjavík í febrúar síðastliðnum hafi verið felld niður.

Armando var skotinn ítrekað með skammbyssu er hann var á leið heim til sín laugardagskvöldið 13. febrúar.

Tugir manna voru handteknir við rannsókn málsins og sátu fjölmargir þeirra í gæsluvarðhaldi. Mikið var gert úr hlut „Íslendingsins,“ í málinu, eins og vísað var til Antons í yfirlýsingum lögreglu. Anton sjálfur var handtekinn á Suðurlandi og úrskurðaður í gæsluvarðhald vegna rannsóknarhagsmuna. Gæsluvarðhaldið varð síðar að farbanni, en óalgengt er að Íslendingar með eignir, fjölskyldur og önnur áþreifanleg og sterk tengsl við landið séu settir í farbann.

Á blaðamannafundi sem haldinn var af lögreglu vegna málsins fór mikið púður í að ræða aðkomu Íslendingsins að málinu, sem og lögmanns hans sem lögreglan hafði fengið settan á vitnalista sinn. Svo fór að „Íslendingurinn,“ Anton Kristinn var ekki ákærður vegna málsins og lögmaðurinn aldrei kallaður til skýrslutöku.

Ákæra var loks gefin út á hendur fjórum erlendum einstaklingum. Einn þeirra, Angjelin Sterkaj, játaði morðið á sig og sagðist við þingfestingu málsins í Héraðsdómi Reykjavíkur hafa verið einn að verki.

Þetta þýðir að aðkomu Antons að Rauðagerðismálinu er formlega lokið. Hann mun þó geta krafist bóta vegna gæsluvarðhaldsvistar og farbannsins sem hann sætti að ósekju.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Ingó opinberar ástina
Neymar nálgast Pelé
Fréttir
Fyrir 2 dögum

Maður sem hefur ítrekað verið sakaður um kynferðislega áreitni við starfsfólk á Bessastöðum heldur starfi sínu en þolendur hans flýja

Maður sem hefur ítrekað verið sakaður um kynferðislega áreitni við starfsfólk á Bessastöðum heldur starfi sínu en þolendur hans flýja
Fréttir
Fyrir 3 dögum

Eyþór tryggði sér sæti í úrslitum World Strongest Man – „Þetta er í rauninni bara ótrúlegt“

Eyþór tryggði sér sæti í úrslitum World Strongest Man – „Þetta er í rauninni bara ótrúlegt“
Fréttir
Fyrir 3 dögum

Sólveig lést í morgun eftir slys í Flekkudal

Sólveig lést í morgun eftir slys í Flekkudal
Fréttir
Fyrir 3 dögum

Björn krefur ríkið um 23 milljónir eftir að starf hans var lagt niður

Björn krefur ríkið um 23 milljónir eftir að starf hans var lagt niður