Á áttunda tímanum í gærkvöldi var tilkynnt um líkamsárás í Hlíðahverfi. Árásarmaðurinn tók bifreið árásarþola og fór af vettvangi.
Um klukkan 20 voru tveir aðilar handteknir í miðborginni eftir að akstur bifreiðar hafði verið stöðvaður. Hvorugur aðilinn vildi kannast við að hafa ekið bifreiðinni en báðir eru grunaðir um að hafa verið undir áhrifum fíkniefna og að hafa stolið bifreiðinni. Þeir voru vistaðir í fangageymslu.
Tveir voru staðnir að þjófnaði úr verslunum í miðborginni í gærkvöldi og voru málin afgreidd á vettvangi.
Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Einn þeirra reyndi að komast undan á hlaupum en hafði ekki árangur sem erfiði.
Einn ökumaður var kærður í gærkvöldi fyrir að aka án þess að hafa öðlast ökuréttindi. Bifreið hans reyndist einnig ótryggð. Einn ökumaður var kærður fyrir að aka án ökuréttinda og skjalafals en hann framvísaði fölsuðu erlendu ökuskírteini.