fbpx
Fimmtudagur 24.júní 2021
Fréttir

Þrjúhundruð manns mega koma saman og skemmtistaðir geta haft opið lengur

Erla Hlynsdóttir
Föstudaginn 11. júní 2021 10:39

Svandís Svavarsdóttir heilbrigðisráðherra. Mynd: Stjórnarráð

Ekki missa af Helstu tíðindum dagsins í pósthólfið þitt

Lesa nánar

Þrjú hundruð manns mega koma saman frá og með þriðjudeginum 15. júní, og tekur þá gildi eins metra regla í stað tveggja metra reglunnar. Skemmtistaðir mega hafa opið til miðnættis.

Svandís Svavarsdóttir heilbrigðisráðherra tilkynnti þetta að loknum ríkisstjórnarfundi rétt í þessu.

Þetta er í samræmi við minnisblað frá Þórólfi Guðnasyni sóttvarnalækni. Ríkisstjórnin var með tvö minnisblöð frá honum til umræðu á fundinum, annað um samkomutakmarkanir en hitt um aðgerðir á landamærum.

Á sitjandi viðburðum verður engin nándarregla en öllum skylt að bera grímu. Opnunartími veitingastaða lengist um klukkustund, þ.e. til miðnættis.

Í minnisblaði sóttvarnalæknis segir að staðan hér á landi varðandi heimsfaraldur Covid-19 sé góð. Frá 25. maí síðastliðnum þegar gildandi reglur voru settar hafi 42 einstaklingar greinst með Covid-19 innanlands, þar af 25 í sóttkví. Síðustu daga hafi daglegum tilfellum fækkað mikið og enginn greinst utan sóttkvíar þrátt fyrir að mörg sýni hafi verið greind. „Það er því ljóst að þakka má útbreiddum bólusetningum á Íslandi og einstaklingsbundnum sýkingavörnum þann góða árangur sem við erum nú að sjá þó að ljóst sé að veiran er enn til staðar í samfélaginu“ segir í minnisblaði sóttvarnalæknis.

Nærri 200.000 manns hafa fengið a.m.k. eina bóluefnasprautu og rúmlega 100.000 manns eru fullbólusettir. Rúmlega 90% þeirra sem eru 50 ára og eldri hafa fengið a.m.k. eina bólusetningu en tæplega 50% þeirra sem eru yngri en 50 ára. Sóttvarnalæknir segir enn nokkuð vanta upp á að gott hjarðnæmi náist meðal yngra fólks og því þurfi að fara rólega í afléttingar á sóttvarnaaðgerðum innanlands þar til hærra hlutfall yngra fólks hefur verið bólusett. Einnig bendir hann á að um 3 vikur tekur að fá góða vernd eftir fyrstu bólusetningu.

Helstu breytingar á samkomutakmörkunum frá og með 15. júní:

  • Almennar fjöldatakmarkanir 300 manns. Börn fædd 2015 og síðar áfram undanþegin.
  • Nándarregla einn metri í stað tveggja.
  • Sitjandi viðburðir: Engin krafa um nándarmörk. Áfram grímuskylda og að hámarki 300 manns í hverju sóttvarnahólfi. Með sitjandi viðburðum er átt við leikhús, íþróttaviðburði, athafnir trúar- og lífsskoðunarfélaga, ráðstefnur og viðlíka.
  • Veitingastaðir: Opnunartími veitingastaða lengist um klukkustund, frá kl. 23 til miðnættis. Gestir þurfa að hafa yfirgefið staðinn fyrir kl. 01.00.

Gildistími: Reglugerð sem felur í sér ofangreindar breytingar á samkomutakmörkunum innanlands mun gilda til og með þriðjudagsins 29. júní næstkomandi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Félagsfræðiprófessor vill leggja niður verðlaunaafhendingar á skólaútskriftum – „Má ekki bara sleppa þessu?“

Félagsfræðiprófessor vill leggja niður verðlaunaafhendingar á skólaútskriftum – „Má ekki bara sleppa þessu?“
Fréttir
Í gær

Brim lagði sjómann í dómsmáli – Píndi sig áfram í vinnunni eftir slys – Fékk rúmar fimm milljónir í uppsagnarfresti

Brim lagði sjómann í dómsmáli – Píndi sig áfram í vinnunni eftir slys – Fékk rúmar fimm milljónir í uppsagnarfresti
Fréttir
Fyrir 2 dögum

Haukur Harðarson söðlar um og kveður íþróttafréttirnar

Haukur Harðarson söðlar um og kveður íþróttafréttirnar
Fréttir
Fyrir 2 dögum

Hrafn hakkar afsökunarbeiðni Samherja í sig – „Sorrí að þér leið illa, sorrí að þú sökkar svona mikið“

Hrafn hakkar afsökunarbeiðni Samherja í sig – „Sorrí að þér leið illa, sorrí að þú sökkar svona mikið“
Fréttir
Fyrir 2 dögum

Guðmundur Karl læknir kærður til lögreglu – „Þeir eru að saka mig um að dreifa eitri“

Guðmundur Karl læknir kærður til lögreglu – „Þeir eru að saka mig um að dreifa eitri“
Fréttir
Fyrir 2 dögum

Tók við stjórnarformennsku í félagi Sigga Hakkara – „Svo byrjuðu fyrirtækin að hringja og heimta að ég borgaði“

Tók við stjórnarformennsku í félagi Sigga Hakkara – „Svo byrjuðu fyrirtækin að hringja og heimta að ég borgaði“