fbpx
Föstudagur 11.júní 2021
Fréttir

Gylfi Þór opnar sig um morðið á móður sinni – „Þetta var sjón sem ég mun aldrei gleyma“

Bjarki Sigurðsson
Miðvikudaginn 5. maí 2021 14:00

Gylfi Þór Þorsteinsson forstöðumaður farsóttarhúss Rauða krossins Mynd/Stefán

Ekki missa af Helstu tíðindum dagsins í pósthólfið þitt

Lesa nánar

Gylfi Þór Þorsteinsson hefur staðið vaktina í farsóttarhúsinu seinasta árið. Gyfli starfaði áður í fjölmiðlum og var meðal annars framkvæmdastjóri mbl.is frá 2010-2012.

Gylfi Þór var viðmælandi Mörtu Maríu vegna tíu ára afmælis Smartlands í 64 blaðsíðna Smartlandsblaði. Þar ræðir hann erfiða stundir sem hann upplifði á sínum tíma.

Móðir Gylfa var myrt af bróður sínum árið 1996 þegar Gylfi var 26 ára gamall. Hún hafði farið að heimsækja bróður sinn til að gera upp mál eftir andlát móður þeirra.

„Mamma var astmaveik og við feðgarnir vorum eiginlega vissir um að astminn hefði dregið hana til dauða. Daginn eftir að við fréttum af andlátinu förum við til Akureyrar, en hún hafði verið að heimsækja bróður sinn sem framdi verknaðinn,“ segir Gylfi en á þessum tímapunkti vissi hann ekki að hún hafi verið myrt, hvað þá af bróður sínum.

Þegar komið var á lögreglustöðina á Akureyri fór hann í stutta yfirheyrslu en faðir Gylfa var yfirheyrður í marga tíma. Gylfi beið frammi og vissi ekkert hvað væri að gerast. Á lögreglustöðinni mætti hann móðurbróður sínum sem vottaði Gylfa samúð sína. Gylfi vissi enn ekki að hann hafi verið banamaður móður sinnar og sagði: „Sömuleiðis“.

„Þegar pabbi losnaði úr yf­ir­heyrsl­unni hjá lög­regl­unni fór­um við upp á hót­el og kveikt­um á sjón­varp­inu. Þar var fyrsta frétt að morð hefði verið framið á þess­um bæ og mynd af bæn­um. Þannig frétt­um við að hún hefði verið myrt,“ segir Gylfi og bætir við að það hafi verið mikið áfall að fá þessar fréttir, þá sérstaklega með þessum hætti.

Lögreglan bað Gylfa og fjölskyldu afsökunar á því að hafa heyrt af þessu með þessum hætti.

„Okk­ar fyrstu viðbrögð voru að við vild­um fá að sjá hana strax. Ég hef séð lík, bæði fyr­ir þenn­an tíma og eft­ir, en þetta var sjón sem ég mun aldrei gleyma. Ekki bara var þetta mamma mín sem lá þarna, en þarna sást að and­látið hafði ekki borið að með eðli­leg­um hætti,“ seg­ir Gylfi að bróðir móður hans sat inni í sex ár fyrir verknaðinn.

Hér má lesa allt viðtalið, ásamt blaðinu í heild sinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Boðhlaup BYKO
Fréttir
Í gær

Hjúkrunarfræðingur í mál við Akureyrarbæ – Sökuð um mistök við lyfjagjafir og sérkennilegan frágang á líki

Hjúkrunarfræðingur í mál við Akureyrarbæ – Sökuð um mistök við lyfjagjafir og sérkennilegan frágang á líki
Fréttir
Í gær

Bólusetning vinsælli en tónleikar Ed Sheeran – Röð að Glæsibæ þrátt fyrir lélega mætingu

Bólusetning vinsælli en tónleikar Ed Sheeran – Röð að Glæsibæ þrátt fyrir lélega mætingu
Fréttir
Í gær

Úrslitabardagi McGregor og Poirier á Viaplay

Úrslitabardagi McGregor og Poirier á Viaplay
Fréttir
Í gær

Íslendingar missa sig yfir stærsta lottóvinning Íslandssögunnar – „Var að frétta að Sigríður Andersen hafi verið að vinna 1,2 milljarða“

Íslendingar missa sig yfir stærsta lottóvinning Íslandssögunnar – „Var að frétta að Sigríður Andersen hafi verið að vinna 1,2 milljarða“
Fréttir
Fyrir 2 dögum

Frambjóðandi Sjálfstæðisflokksins gagnrýndur fyrir ummæli sín um drengi og athyglisbrest – „Ekki hundsvit á hvaða ADHD gengur út á“

Frambjóðandi Sjálfstæðisflokksins gagnrýndur fyrir ummæli sín um drengi og athyglisbrest – „Ekki hundsvit á hvaða ADHD gengur út á“
Fréttir
Fyrir 2 dögum

Tónlist Auðs ekki lengur í spilun á helstu útvarpsstöðvum landsins

Tónlist Auðs ekki lengur í spilun á helstu útvarpsstöðvum landsins