fbpx
Þriðjudagur 20.apríl 2021
Fréttir

Talin hafa brotið lög en samt sýknuð – Fór með tvö börn sín úr landi án samþykkis feðranna

Ágúst Borgþór Sverrisson
Laugardaginn 6. mars 2021 18:00

Landsréttur. Mynd: Ernir

Ekki missa af Helstu tíðindum dagsins í pósthólfið þitt

Lesa nánar

Það er niðurstaða bæði héraðsdóms og Landsréttar að kona hafi ekki gerst brotleg við hegningarlög er hún fluttist með tveimur börnum sínum úr landi í óþökk feðra barnanna, en hún á börnin hvort með sínum manninum.

Konan var dregin fyrir héraðsdóm vegna málsins í mars árið 2019, niðurstöðu héraðsdóms var áfrýjað og Landsréttur tók afstöðu til málsins síðastliðinn föstudag.

Sannað þykir að konan hafi farið með börnin til útlanda í heimildarleysi. Hún upplýsti feðurna um áform sín en þau lögðust illa í þá báða. Héraðssaksóknari ákærði konuna á þeim grundvelli að hún hefði brotið 193. grein almennra hegningarlaga, en hún hljóðar svo:

„Hver, sem sviptir foreldra eða aðra rétta aðilja valdi eða umsjá yfir barni, sem ósjálfráða er fyrir æsku sakir, eða stuðlar að því, að það komi sér undan slíku valdi eða umsjá, skal sæta sektum … 1) eða fangelsi allt að 16 árum eða ævilangt.“

Það var hins vegar mat bæði héraðsdóms og Landsréttar að konan hefði ekki gerst brotleg við þessa lagagrein heldur 3. málsgrein 28. greinar barnalaga:

„Nú fara foreldrar sameiginlega með forsjá barns og er öðru foreldrinu þá óheimilt að fara með barnið úr landi án samþykkis hins.“

Telja dómstólarnir að hér sé ekki um sakamál að ræða heldur einkamál. Feðurnir þurfi að höfða einkamál gegn konunni til að fá hana dæmda fyrir lagabrot.

Var konan því sýknuð af kröfum ákæruvaldsins. Bótakröfu, sem annar faðirinn gerði á konuna, var vísað frá dómi. Allur málskostnaður greiðist úr ríkissjóði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ný sprunga opnaðist við gosið í dag

Ný sprunga opnaðist við gosið í dag
Fréttir
Fyrir 2 dögum

Páll Óskar birtir nektarmyndirnar sem óprúttinn aðili var að dreifa – „Já, gott fólk. Svona lít ég út“

Páll Óskar birtir nektarmyndirnar sem óprúttinn aðili var að dreifa – „Já, gott fólk. Svona lít ég út“
Fréttir
Fyrir 3 dögum

Skammtarnir frá Pfizer í júlí hafa tvöfaldast – 244.000 skammtar

Skammtarnir frá Pfizer í júlí hafa tvöfaldast – 244.000 skammtar
Fréttir
Fyrir 3 dögum

Þrjú smit utan sóttkvíar í gær

Þrjú smit utan sóttkvíar í gær
Fréttir
Fyrir 4 dögum

Pétur Markan fékk nóg og er hættur – „Samfylkingin breyst í pólitískt jaðarsamfélag vina“

Pétur Markan fékk nóg og er hættur – „Samfylkingin breyst í pólitískt jaðarsamfélag vina“
Fréttir
Fyrir 4 dögum

Gera gys að Eyþóri eftir viðtalið í gær – „Hvað kom fyrir hendurnar á Eyþóri Arnalds?“

Gera gys að Eyþóri eftir viðtalið í gær – „Hvað kom fyrir hendurnar á Eyþóri Arnalds?“
Fréttir
Fyrir 4 dögum
Engin smit í gær