Engin greindist með Covid-19 smit innanlands í gær en 403 sýni voru tekin hjá Íslenskri erfðagreiningu og hjá LSH.
Fjögur smit greindust á landamærunum, þar af þrjú við fyrstu skimun og eitt við seinni skimun.
Nýgengi innanlandssmita er nú 0,5 en á landamærunum 2,5 á hverja 100 þúsund íbúa.
Nú hefur ekki greinst smit hér á landi síðan 26. febrúar og síðasta smit utan sóttkvíar var 1. febrúar.
Alls eru 11 manns í einangrun vegna smits, þar af sjö á sjúkrahúsi, en 13 í sóttkví. Bólusetningu er lokið á rúmlega 12.500 manns.