Fimmtudagur 25.febrúar 2021
Fréttir

5 uppáhalds yndisaukandi hlutir Steinunnar Ólínu – Höfug, ágeng og æsandi reykelsi

Tobba Marinósdóttir
Laugardaginn 20. febrúar 2021 18:30

Steinunn Ólína er fær í eldhúsinu. Mynd: Stefán

Ekki missa af Helstu tíðindum dagsins í pósthólfið þitt

Lesa nánar

Stórleikkonan, spretturæktandinn og gourmet-grallarinn Steinunn Ólína Þorsteinsdóttir kann að meta lystisemdir lífsins og finnur þær á ótrúlegustu stöðum svo sem í Rúmfatalagernum og í Fischersundi. Hér deilir hún með lesendum fimm hlutum sem gleðja hana í skammdeginu.

 

Píanóið hennar mömmu
Píanóið hennar mömmu, sem stendur hér í stofunni minni, skemmtir mér daglega með tilveru sinni. Mér finnst gaman að setjast niður og glamra eitthvað helst daglega og svo tilheyrði píanóið mömmu svo það gerir væntumþykjuna enn meiri. Ég bóna það stundum með tréolíu sem ég sniffa í leiðinni og ferðast þá fyrirhafnarlítið aftur í tímann.

99 kr. kertin
99 kr. kertin í Rúmfatalagernum eru æði og eru í daglegu brúki meðan svona dimmt er á kvöldin. Ég kveiki líka á kerti á matarborðinu á morgnana til að milda harðneskjulegt skammdegið. Skemmtilegast finnst mér að gera stórinnkaup, kaupa nokkra tugi í einu í öllum litum og spreða þeim í alla tiltæka kertastjaka.

Fischer-reykelsin
Reykelsin hans Sigurrósar-Jónsa sem fást í Fischer Ilmhúsi í Fischersundi eru höfug, ágeng og æsandi. Dularfyllri en flest og sannarlega dularfyllri en Dularfullu bækurnar eftir Enid Blyton.

Möndluolía
Möndluolían frá NOW á allan skrokkinn alla daga ársins. Nudda henni af þrótti inn í húðina og ekki er verra að bursta hana með grófum bursta eða hanska inn að beini.

Taflið úr Kolaportinu
Taflið sem ég keypti í Kolaportinu fyrir skemmstu. Það hefur verið í daglegri notkun meðal allra heimilismanna en það skal viðurkennt að mér fer fremur aftur en fram við taflmennskuna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Móðir Bjarna var spilafíkill – „Það var í síðasta skipti sem ég sá hana á lífi“

Móðir Bjarna var spilafíkill – „Það var í síðasta skipti sem ég sá hana á lífi“
Fréttir
Fyrir 20 klukkutímum

Rauðagerðismálið: Segir lögreglumenn ekki sofa og rannsóknin sé enn á byrjunarreit

Rauðagerðismálið: Segir lögreglumenn ekki sofa og rannsóknin sé enn á byrjunarreit
Fréttir
Í gær

„Við sjáum engan gosóróa eins og er,“ segir náttúruvársérfræðingur hjá Veðurstofu

„Við sjáum engan gosóróa eins og er,“ segir náttúruvársérfræðingur hjá Veðurstofu
Fréttir
Í gær

Almannavarnir um jarðskjálftana: „Þyrla Landhelgisgæslunnar farin á svæðið“

Almannavarnir um jarðskjálftana: „Þyrla Landhelgisgæslunnar farin á svæðið“
Fréttir
Í gær

Vara við torkennilegum símtölum – Bylgja slíkra símtala þessa dagana

Vara við torkennilegum símtölum – Bylgja slíkra símtala þessa dagana
Fréttir
Í gær

Katrín útskýrði fyrir þýskum blaðamanni af hverju baráttan gegn kórónuveirunni hefur gengið svo vel hér á landi

Katrín útskýrði fyrir þýskum blaðamanni af hverju baráttan gegn kórónuveirunni hefur gengið svo vel hér á landi