fbpx
Miðvikudagur 05.október 2022
Fréttir

Örvar segist mæta til vinnu hjá Icelandair hálf skjálfandi af ótta – „Þetta er komið gott“

Kristján Kristjánsson
Fimmtudaginn 28. október 2021 06:45

Flugvöllur í Hvassahrauni myndi leysa Reykjavíkurflugvöll af hólmi. Mynd -Fréttablaðið/Vilhelm Gunnarsson

Ekki missa af Helstu tíðindum dagsins í pósthólfið þitt

Lesa nánar

„Nú er staðan hins vegar þannig að maður mætir hálf skjálfandi til vinnu af ótta yfir því hvaða breytingar kunni að bíða manns,“ segir í grein sem Örvar Ragnarsson, öryggistrúnaðarumaður og hlaðmaður á Reykjavíkurflugvelli, skrifar í Fréttablaðið í dag undir fyrirsögninni „Virðing fyrir starfsfólki, virðing fyrir öryggi“.

Í grein sinni segir Örvar að hann hafi starfað við innanlandsflug síðustu 25 árin, í hlaðdeildinni á Reykjavíkurflugvelli. „Verkstjórarnir þar hafa alltaf getað gengið að því vísu, að þegar þeir kalla eftir mér þá er öllu hent frá og ég mæti. Þetta hlýtur að hafa verið góður vinnustaður úr því að maður hefur starfað þarna þetta lengi í lægsta launaþrepinu innan fluggeirans,“ segir hann.

En nú eru breyttir tímar segir hann: „Nú er staðan hins vegar þannig að maður mætir hálf skjálfandi til vinnu af ótta yfir því hvaða breytingar kunni að bíða manns,“ segir hann og bætir við að á einni vakt færi hann að meðaltali 5 tonn úr stað og gangi 25 kílómetra.

En þetta virðist ekki nægja yfirmönnum að hans sögn því hann segir að síðasta árið hafi einkennst af endalausum árásum þeirra á undirmenn sína. Þetta snúist um að fækka undirmönnunum enn frekar og bæta á þá nýjum verkefnum og það þrátt fyrir að þeir komist ekki með góðu móti yfir þau verkefni sem þeir sinna nú þegar. „Nýjasta útspil þessara yfirmanna var að segja upp starfandi trúnaðarmanni og öryggistrúnaðarmanni okkar, Ólöfu Helgu Adolfsdóttur, á sama tíma og hún sinnti því hlutverki sínu að standa vörð um öryggi og réttindi okkar vinnufélaganna,“ segir hann.

Í lokin kemur hann síðan með áskorun til Icelandair: „Þetta er komið gott. Ég vil ekkert nema mæta til minnar vinnu og sinna henni af kostgæfni. Ég skora á Icelandair í fyrsta lagi að draga til baka uppsögn Ólafar Helgu Adolfsdóttur, í öðru lagi að sýna okkur hlaðmönnum á Reykjavíkurflugvelli virðingu og í þriðja lagi að eiga eðlileg samskipti við okkur um að skipuleggja vinnuna þannig að öryggi allra sé í fyrirrúmi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Ný Fréttavakt: Nauðsynlegt að virkja meira, ,,Rekin fyrir að standa með þolendum“ og loks eðlilegt leikhúsár

Ný Fréttavakt: Nauðsynlegt að virkja meira, ,,Rekin fyrir að standa með þolendum“ og loks eðlilegt leikhúsár
Fréttir
Fyrir 16 klukkutímum

Harðneitar því að magakveisa herji á hótelið – Segir suma viðskiptavini gera út á afslátt eða betra herbergi

Harðneitar því að magakveisa herji á hótelið – Segir suma viðskiptavini gera út á afslátt eða betra herbergi
Fréttir
Fyrir 19 klukkutímum

Brynhildur segir ekkert hafa breyst í MH á 10 árum – „Einn starfsmaðurinn hrópaði upp yfir sig að nú væri hreinlega búið að taka þessa drengi „af lífi““

Brynhildur segir ekkert hafa breyst í MH á 10 árum – „Einn starfsmaðurinn hrópaði upp yfir sig að nú væri hreinlega búið að taka þessa drengi „af lífi““
Fréttir
Fyrir 20 klukkutímum

Yfirlýsing frá MH: „Skólastjórnendur líta á mál sem varða kynferðisofbeldi mjög alvarlegum augum“

Yfirlýsing frá MH: „Skólastjórnendur líta á mál sem varða kynferðisofbeldi mjög alvarlegum augum“
Fréttir
Í gær

Mikill meirihluti hjúkrunarfræðinga hefur íhugað að láta af störfum

Mikill meirihluti hjúkrunarfræðinga hefur íhugað að láta af störfum
Fréttir
Í gær

Segir að Kreml vilji ekki láta tilfinningar ráða þegar kemur að ákvörðun um beitingu kjarnorkuvopna

Segir að Kreml vilji ekki láta tilfinningar ráða þegar kemur að ákvörðun um beitingu kjarnorkuvopna
Fréttir
Í gær

„Líkurnar á að Pútín noti kjarnorkuvopn aukast eftir því sem Úkraínumenn ná meira landi á sitt vald“

„Líkurnar á að Pútín noti kjarnorkuvopn aukast eftir því sem Úkraínumenn ná meira landi á sitt vald“
Fréttir
Í gær

Hvetja Tékka til að yfirgefa Rússland

Hvetja Tékka til að yfirgefa Rússland