fbpx
Föstudagur 26.nóvember 2021
Fréttir

Af 38 smituðum skólabörnum í Reykjavík eru 28 í Háteigsskóla – Einn starfsmaðurinn ekki bólusettur

Ágúst Borgþór Sverrisson
Miðvikudaginn 20. október 2021 19:38

Háteigsskóli. Mynd úr safni/Ernir Eyjólfsson

Ekki missa af Helstu tíðindum dagsins í pósthólfið þitt

Lesa nánar

Skóla- og frístundasviði Reykjavíkurborgar hafa borist tilkynningar um að nú séu 38 grunnskólanemendur með staðfest Covid-smit. Þar af eru 28 barnanna í Háteigsskóla, 4 í Seljaskóla en aðrir eru stakir nemendur í öðrum grunnskólum í Reykjavík. Þrír starfsmenn Háteigsskóla eru með staðfest smit.

Þetta kemur fram í svari við fyrirspurn DV til skóla- og frístundasviðs um smit í leik- og grunnskólum borgarinnar. Engar tilkynningar um börn eða starfsfólk leikskóla hafa borist þessa vikuna, hvorki vegna sóttkvíar né smitgátar.

Samkvæmt öruggum heimildum DV er einn þeirra starfsmanna við Háteigsskóla sem nú er með Covid óbólusettur. Arn­dís Stein­þórs­dóttir, skóla­stjóri Há­teigs­skóla, vildi ekki tjá sig um málið þegar eftir því var leitað.  Spurð um vinnureglur þegar kemur að óbólusettu starfsfólki skóla vísaði hún á Helga Grímsson, sviðsstjóra skóla- og frístundasviðs. Ekki náðist í Helga við vinnslu fréttarinnar.

220 grunnskólanemar í Reykjavík eru í sóttkví, samkvæmt því sem best er vitað. Segir í svari frá skóla- og frístundasviði að allmargir séu að fara í sýnatöku þessa dagana og þessi fjöldi breytist því nokkuð hratt.

Ekki liggja fyrir staðfestar tölur hjá Reykjavíkurborg um fjölda nemenda eða starfsmanna í smitgát þar sem útsetningardagur fyrir smiti er mismunandi eftir aðstæðum hverju sinni.

Fréttablaðið greindi frá því í morgun að þrír árgangar í Háteigsskóla væru í sóttkví.

Arn­dís Stein­þórs­dóttir sagði þá í samtali við Fréttablaðið að þetta væru nemendur í fjórða, fimmta og sjötta bekk. Þá væru nemendur í fjórða og sjötta bekk að koma úr sóttkví í þessari viku en fimmti bekkur yrði væntanlega í sóttkví fram yfir vetrarfrí sem hefst á föstudag og er ekki aftur skóli fyrr en á miðvikudag hjá börnum í Reykjavík.

Þá ræddi Fréttablaðið við Helga Grímsson sem sagði mikið áhyggjuefni að stærsti hluti landsmanna í einangrun séu börn á aldrinum sex til tólf ára. Þá nefnir hann að frá septembermánuði hafi sjö sinnum verið farið í smitrakningu í Norðlingaskóla og mörg börn þar ítrekað þurft að fara í sóttkví.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Þorgrímur segir marga hafa móðgast – „Mér var hótað lífláti og að konunni minni yrði nauðgað“

Þorgrímur segir marga hafa móðgast – „Mér var hótað lífláti og að konunni minni yrði nauðgað“
Fréttir
Í gær

Ábúendur á Lágafelli segjast dregnir að ósekju inn í sorlega fréttaumfjöllun – „Einfalt er að búa sögu sem á engan vegin við rök að styðjast“

Ábúendur á Lágafelli segjast dregnir að ósekju inn í sorlega fréttaumfjöllun – „Einfalt er að búa sögu sem á engan vegin við rök að styðjast“
Fréttir
Í gær

Líklegt að rafleiðni sjáist í Gígjukvísl í dag

Líklegt að rafleiðni sjáist í Gígjukvísl í dag
Fréttir
Í gær

Áhorfendur komu auga á vandræðalegan hlut í hillunni þegar rætt var við konu í beinni útsendingu

Áhorfendur komu auga á vandræðalegan hlut í hillunni þegar rætt var við konu í beinni útsendingu