Laugardagur 06.mars 2021
Fréttir

Fjárnám var gert í húsinu við Kaldasel viku fyrir brunann – Sterkur grunur um kannabisræktun

Ágúst Borgþór Sverrisson
Fimmtudaginn 28. janúar 2021 13:22

Frá brunanum eftir að kviknaði að nýju í þaki hússins. Mynd: Valli

Ekki missa af Helstu tíðindum dagsins í pósthólfið þitt

Lesa nánar

Eigandi hússins að Kaldaseli í Breiðholti, sem er gjörónýtt eftir eldsvoða þann 25. janúar, heitir Haraldur Rafn Pálsson og hefur starfað sem lögfræðingur.

Haraldur, sem er 33 ára gamall, keypti húsið þann 8. september 2020. Kaupverðið var 79,9 milljónir kr. en húsið er rúmlega 240 fermetrar að stærð. Verðið er nokkuð undir fasteignamati en fasteignamat er oftast töluvert lægra en markaðsverð. Við kaupin greiddi Haraldur 27,9 milljónir með peningum en 52 milljónir með lánsfé.

Fjárnám var nýlega gert í húsinu vegna skuldar við Sýslumannsembættið á Norðurlandi upp á 306 þúsund krónur. Raunar var því þinglýst aðeins viku fyrir brunann, þann 18. janúar þessa árs.

Samkvæmt frétt á Vísir.is í morgun er eldsvoðinn í Kaldseli rakinn til kannabisræktunar.

Engum húsaleigusamningi hefur verið þinglýst á eignina og raunar ber einlæg og opin Facebook-færsla Haraldar um eldsvoðann þess merki að hann hafi búið í húsinu sjálfur frá því hann festi kaup á því í haust.

Í færslunni segir Haraldur: „Eins og eflaust margir vita þá lenti ég í þeirri óskemmtilegu lífsreynslu að missa húsið mitt sem ég hafði nýlega fest kaup á, ásamt öllu mínu innbúi í eldsvoða þann 25. jan s.l. Þessi atburður markaði mikil og djúpstæð áhrif á mig þar sem litlu munaði að ég yrði sjálfur bráð eldsins. Fyrir einhverja óskiljanlega ástæðu vaknaði ég uppúr værum svefni og náði naumlega að átta mig á aðstæðum og koma mér út, án teljandi meiðsla, fyrir utan væga reykeitrun og nokkrar skrámur. Aðeins nokkrar sekúndur réðu þar úrslitum og á tímabili hélt ég að þetta væru mín örlög og endir.“

Í færslunni hvetur Haraldur alla til að hlúa að eldvörnum.

Ekki hefur náðst í Harald í síma þrátt fyrir ítrekaðar tilraunir.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Banni við drónaflugi aflétt í kvöld

Banni við drónaflugi aflétt í kvöld
Fréttir
Í gær

Bæjarstjórn Reykjanesbæjar vill flýta fyrir bólusetningu starfsmanna flugfélaga

Bæjarstjórn Reykjanesbæjar vill flýta fyrir bólusetningu starfsmanna flugfélaga
Fréttir
Í gær

Orð gærdagsins – Hvað er óróapúls?

Orð gærdagsins – Hvað er óróapúls?
Fréttir
Í gær

Hjalti opnar sig um morðtilraunina sem sonur hans var dæmdur fyrir – „Áður en hann fékk höggið man hann lítið sem ekk­ert“

Hjalti opnar sig um morðtilraunina sem sonur hans var dæmdur fyrir – „Áður en hann fékk höggið man hann lítið sem ekk­ert“
Fréttir
Fyrir 2 dögum

Nálgunarbannsbrjótur reykspólaði sig í fang lögreglunnar á Suðurnesjum

Nálgunarbannsbrjótur reykspólaði sig í fang lögreglunnar á Suðurnesjum
Fréttir
Fyrir 2 dögum

Ævintýralegur ferill íslenskrar konu í akstri undir áhrifum lyfja – Samandregnir augasteinar, titraði og var sljó

Ævintýralegur ferill íslenskrar konu í akstri undir áhrifum lyfja – Samandregnir augasteinar, titraði og var sljó