fbpx
Fimmtudagur 15.apríl 2021
Fréttir

Jakob lýsir yfir stuðningi við Loga og segir árásir Guðmundar vera bjánalegar – „Svo helsjúk er þessi þjóð af meðvirkni“

Máni Snær Þorláksson
Sunnudaginn 24. janúar 2021 15:18

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

„Ég vil lýsa yfir 100% stuðningi við Loga Geirsson. Bjánalegar árásir GG þjálfara á hann eru alveg galnar. Áfram Logi, láttu þetta bull ekki hafa áhrif á þig. Haltu áfram að segja þína skoðun.“

Þetta segir blaðamaðurinn Jakob Bjarnar Grétarsson í færslu sem hann birti á Facebook-síðu sinni í gær. Jakob, sem verður seint þekktur fyrir að liggja á skoðunum sínum, er að tala um þau orð sem Guðmundur Guðmundsson, landsliðsþjálfari Íslands í handbolta, lét falla í kjölfar þeirrar gagnrýni sem Logi Geirsson, fyrrverandi landsliðsmaður í handbolta, hafði eftir leiki Íslands á HM í handbolta.

„Það er svo furðulegt að upplifa það að þegar við erum að fara hér á stórmót og það vantar fyrirfram þrjá lykilleikmenn og raunverulega síðan fjóra í framhaldinu,“ sagði Guðmundur eftir naumt tap Íslands gegn Frakklandi. „Það er algjörlega óþolandi hvernig sérfræðingar RÚV eru að tjá sig á niðrandi hátt um þetta, talandi um eftir leikinn á móti Sviss að ég og liðið sé ráðalaust. Þetta er algjört niðurrif og svo niðrandi ummæli, og þetta hefur farið mjög illa í hópinn og mig hvernig þetta hefur verið.“

Sjá einnig: Guðmundur öskureiður yfir gagnrýni á landsliðið – „Sérfræðingar RÚV eru að tjá sig á niðrandi hátt“

Þessi reiði sem Guðmundur hafði í garð Loga og annarra handboltasérfræðinga hjá RÚV vakti vægast sagt mikla athygli. „Ég er á þeirri skoðun, eftir að hafa séð þjálfara sem heldur ekki jafnvægi, í kvöldfréttum, að hans tími er liðinn. Það getur enginn þjálfari skellt skuldinni á aðra með eins miklum látum og ég sá hann gera í fréttum í kvöld. Þjálfarinn er kominn það mikið úr jafnvægi að ég sé ekki annað en að hann skaði leikmenn sína með því að tjá sig á þennan hátt,“ sagði Sigmundur Steinarsson, fyrrverandi yfirmaður íþróttadeildar Morgunblaðsins og rithöfundur, til að mynda um málið í samtali við DV.

Lesa meira: Telur tíma Guðmundar liðinn eftir reiðilegt viðtal við RÚV: „Hann skaðar leikmennina með því að tjá sig á þennan hátt“

Ljóst er að málið er eldfimt enn þann dag í dag en miklar umræður fóru í gang undir færslu Jakobs um málið. „Hversvegna fer Logi ekki útí þjálfun sjálfur ef hann er jafn alvitur um handbolta og hann telur sig vera? Ætlar hann bara vera áfram eins og hýena á RÚV og drulla yfir fólk eða oflofa þegar það hentar til að láta sig líta vel út?“ spurði til dæmis einn í athugasemdunum. Jakob var eki lengi að svara þessu og benti á að Logi væri ráðinn í starfið til að hafa skoðun á málinu. „En þú heimtar að hann sé sleikjulegur í því hlutverki en ekki hreinn og beinn? Hvaða sjúka meðvirkni er þetta eiginlega?“

Fleiri voru ósáttir með stuðning Jakobs við Loga en Jakob svaraði þó að sjálfsögðu fyrir sig. „Hér er verið að gera athugasemd við það að ráðist sé ómaklega að manni sem hefur verið ráðinn til að segja skoðun sína. Hann gerir það af heiðarleika en svo helsjúk er þessi þjóð af meðvirkni að margir telja að hann hefði átt að sykurhúða skoðun sína. Og til að bíta hausinn af skömminni er ráðist persónulega á manninn fyrir heiðarleikann og þá þarf ekkert að sykurhúða það. Þetta er alveg súrrandi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Engin smit í gær
Fréttir
Fyrir 2 dögum

„Þetta með Janssen eru ekki góðar fréttir,“ segir heilbrigðisráðherra

„Þetta með Janssen eru ekki góðar fréttir,“ segir heilbrigðisráðherra
Fréttir
Fyrir 2 dögum

Puttasendingar á Miklubraut enduðu í blóðugum slagsmálum í Ármúla – Réðst á manninn með „geðveikisglampa“ í augum

Puttasendingar á Miklubraut enduðu í blóðugum slagsmálum í Ármúla – Réðst á manninn með „geðveikisglampa“ í augum
Fréttir
Fyrir 2 dögum

Íslendingur handtekinn vegna barnaníðs á Spáni – Sagður hafa lokkað börnin til sín með gjöfum

Íslendingur handtekinn vegna barnaníðs á Spáni – Sagður hafa lokkað börnin til sín með gjöfum
Fréttir
Fyrir 2 dögum

Þrír greindust utan sóttkvíar í gær – Nýjar tillögur Þórólfs ræddar í ríkisstjórn

Þrír greindust utan sóttkvíar í gær – Nýjar tillögur Þórólfs ræddar í ríkisstjórn
Fréttir
Fyrir 2 dögum

Bryndís Schram um kynni sín af Filippusi – „Hann sýndi engan áhuga og hreytti út úr sér hálfgerðum ónotum“

Bryndís Schram um kynni sín af Filippusi – „Hann sýndi engan áhuga og hreytti út úr sér hálfgerðum ónotum“
Fréttir
Fyrir 2 dögum

Fékk ekki styrk frá Kvikmyndasjóði Íslands og gekk of langt – „Þá geta þau bara átt sig“

Fékk ekki styrk frá Kvikmyndasjóði Íslands og gekk of langt – „Þá geta þau bara átt sig“