Tveir starfsmenn íbúðakjarna fyrir fatlað fólk í Reykjavík hafa nú greinst með COVID-19 sjúkdóminn. Þetta kemur fram í tilkynningu frá Reykjavíkurborg.
Gripið hefur verið til nauðsynlegra aðgerða til að fyrirbyggja frekara smit, án þess þó að skerða þjónustu við íbúa.
Íbúðakjarnarnir eru staðsettir í Breiðholti annars vegar og Grafarvogi hins vegar. Báðir hinir smituðu starfa náið með einstaklingum sem þarfnast sólarhringsþjónustu.
Íbúar í íbúðakjörnunum búa allir í eigin íbúðum og fá alla nauðsynlega þjónustu inn á sín heimili.
Í Grafarvogi þurfa sex starfsmenn að fara í sóttkví og um tuttugu í Breiðholti.
Samkvæmt tilkynningu er nú unnið að því að manna vaktir með öðru starfsfólki velferðarsviðs. Íbúarnir sem fengu þjónustu viðkomandi starfsmanna eru komnir í sóttkví. Þeir munu jafnframt fara í sýnatöku í dag og verður fylgst náið með líða þeirra.