Morgunblaðið skýrir frá þessu í dag. Í samtali við blaðið sagði Þorgerður Laufey Diðriksdóttir, formaður Félags grunnskólakennara, að fundað sé nær daglega til að reyna að ná saman áður en næsta skólaár hefst til að tryggja að skólastarf geti hafist með eðlilegum hætti. Hún sagðist bjartsýn á að viðræðurnar skili árangri.
„Það er engin ástæða til að vera svartsýn nú frekar en áður. Við vitum að það er mikil ábyrgð á okkar herðum og þess vegna vinnum við að því að funda þótt það sé hásumar.“
Er haft eftir henni. Hún sagði einnig að allir hafi keppst af því að nýr kjarasamningur tæki við af þeim fyrri þegar hann rynni út en það hafi ekki tekist. Oft líða fleiri mánuðir og jafnvel ár frá því að kjarasamningar opinberra starfsmanna renna út þar til samningar takast um nýjan samning. Haft er eftir Þorgerði að þetta sé ástand sem allir stefni að því að breyta.