fbpx
Fimmtudagur 06.ágúst 2020
Fréttir

Fangelsinu á Akureyri lokað varanlega. 42 ára saga á enda.

Heimir Hannesson
Mánudaginn 6. júlí 2020 20:00

Í fangelsinu á Akureyri er pláss fyrir tíu fanga.

Ekki missa af Helstu tíðindum dagsins í pósthólfið þitt

Lesa nánar

Fangelsismálastjóri hefur ákveðið að loka fangelsinu á Akureyri. Er þetta gert í sparnaðar- og hagræðingarskyni. Frá þessu var greint í kvöldfréttum RÚV í kvöld. Páll Winkel fangelsismálastjóri sagði þar að sparnaðar- og hagræðingarsjónarmið ráði för við ákvörðunartökuna.

Kemur fram í fréttatímanum að fangar hafi verið fluttir frá fangelsinu í vor en gert hafi verið ráð að þeir snéru aftur í september. Af því verður ekki. Kostnaðurinn við rekstur fangelsins á Akureyri er um 100 milljónir á ári. Sagði Páll Winkel fangelsismálastjóri að aðgerðin sé nauðsynleg og að nú verði hægt verði að reka stærri fangelsin með betri afköstum, eða um 90-95%.

Fangelsið hefur verið starfrækt síðan 1978 en var endurbyggt árið 2008. Á heimasíðu Fangelsismálastofnunar segir um fangelsið á Akureyri:

„Aðstaða er fyrir 10 afplánunarfanga og einn gæsluvarðhaldsfanga og er aðstaðan mjög góð. Í fangelsinu er rúmgóð setustofa sem nýtt er sem matstofa og sjónvarpsherbergi. Fangar sjá um matseld. Um 100 m2 lokaður garður er við fangelsið þar sem aðstaða er til boltaleikja og útiveru. Góð aðstaða er til vinnu, náms og líkamsræktar.

Halla Björk Reynisdóttir, Forseti bæjarstjórnar Akureyrarbæjar, sagði í kvöldfréttum RÚV að ákvörðunin væri vonbrigði. „Fangar eiga rétt á að afplána sem næst heimili sínu,“ sagði Halla og bætti við að nú væri verið að loka fangelsinu í stærsta þéttbýliskjarna utan höfuðborgarinnar. Ennfremur gagnrýndi Halla skort á samráði við bæjaryfirvöld um ákvörðunina.

Komið hefur fram að 638 séu á biðlista eftir afplánun og hafði dómsmálaráðherra nýlega á orði að fyrningar vegna langrar biðar eftir afplánunarboðun gætu orðið 30 á þessu ári. Aðspurður gat Páll ekki lofað því að þessi aðgerð myndi stytta biðlista eða fjölga plássum heilt yfir, en sagði það velta á „þróun fjárheimilda.“ Fimm fastráðnum starfsmönnum fangelsisins verður boðið að flytja sig í starfi innan Fangelsismálastofnunar. Starfsmennirnir eiga að öðrum kosti rétt á biðlaunum í heilt ár.

Öll fangelsi landsins verða eftir lokunina á eða við höfuðborgarsvæðið nema Kvíabryggja, sem er við Grundarfjörð á Snæfellsnesi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 2 dögum

Átta ný innanlandssmit

Átta ný innanlandssmit
Fréttir
Fyrir 2 dögum

Íslensk amfetamínframleiðsla á uppleið

Íslensk amfetamínframleiðsla á uppleið
Fréttir
Fyrir 3 dögum

Íslensk erfðagreining með stóra skimun á Akranesi

Íslensk erfðagreining með stóra skimun á Akranesi
Fyrir 3 dögum

Súr gúrka í eftirrétt Víðmelinga

Súr gúrka í eftirrétt Víðmelinga