Bandaríkis alríkisstarfsmenn brutu sér í gær leið inn í ræðisskrifstofu Alþýðulýðveldisins Kína og tóku hana yfir. Þetta gerðu þeir aðeins 40 mínútum eftir að síðasti starfsmaður ræðisskrifstofunnar gekk út úr húsinu í kjölfar fyrirskipunar ríkisstjórnar Donald Trump um að Kínverjar skyldu loka henni. Grafalvarleg staða ríkir nú í samskiptum Kína og Bandaríkjanna.
Alríkisfulltrúar og lögreglumenn frá Houston umkringdu húsið í gær á meðan kínverskir diplómatar tæmdu húsið. Í nokkra daga brenndu þeir gögn og eyðilögðu tölvubúnað í garði hússins. Bandaríkjastjórn segir ræðisskrifstofuna hafa verið miðstöð njósna kínverska kommúnistaflokksins.
Á þriðjudag fyrirskipaði ríkisstjórn Trumps að kommúnistastjórnin í Kína hefði 72 klukkustundir til þess að loka skrifstofunni og rýma húsið. Sagði ríkisstjórnin kínverska útsendara hafa reynd að stela gögnum og öðrum viðkvæmum upplysingum frá heilbrigðisstofnunum í Houston, þar á meðal Háskólanum í Texas, MD Andersen krabbameinsrannsóknastöðinni. Af myndum að dæma voru þar meðal annars fulltrúar bandaríska utanríkisráðuneytisins á ferð. Samkvæmt frétt Fox News voru slökkviliðsmenn til taks í aðgerðinni, enda hafði margsinnis verið tilkynnt um eld á svæðinu á meðan kínverskir diplómatar brenndu gögn.
Kínverskir embættismenn hafa síðan þeim var gert að víkja loka ræðisskrifstofu sinni sést pakka dótinu sínu í bíla, losa rusl og brenna, það sem við má búast að séu viðkvæm gögn.
Starfsfólkið pakkaði í bíla sína og voru farnir klukkan fjögur á föstudaginn, að staðartíma. Sem fyrr sagði voru bandarískir alríkisfulltrúar komnir inn í húsið 40 mínútum seinna. Það tók teymin tvær klukkustundir að komast inn í húsið, enda húsið tryggilega læst.
Utanríkisráðherra Bandaríkjanna, Mike Pompeo sendi svo frá sér tilkynningu þar sem hann sagði húsið hafa verið, sem fyrr sagði „hreiður kínverskra njósna og gagnastuldar.“ Kínverjar hafa svarað aðgerðum bandaríkjastjórnar og fyrirskipað að ræðisskrifstofa Bandaríkjanna í Chengdu skuli lokað.
Sagði í frétt South China Morning Post að þrír vörubílar og rútur hafi sést koma að húsinu og fara frá því fullhlaðin varningi og fólki. Aðrir gengu útúr húsinu hlaðin kössum og skjalamöppum.