fbpx
Sunnudagur 09.ágúst 2020
Fréttir

Trump að tapa í Texas

Heimir Hannesson
Mánudaginn 13. júlí 2020 11:13

Trump með fána Texas. Hann mælist nú 5% undir keppinauti sínum í ríkinu. mynd/Getty

Ekki missa af Helstu tíðindum dagsins í pósthólfið þitt

Lesa nánar

Talsverð kátína hlýtur nú að ríkja í herbúðum Joe Biden, forsetaframbjóðanda Demókrataflokksins í komandi forsetakosningum vestanhafs. Ekki bara mælist Biden með talsvert meira fylgi en keppinautur hans, Donald Trump Bandaríkjaforseti, á landsvísu heldur er hann komin með forskot í ríkjum sem hingað til hafa þótt öruggur heimavöllur Repúblikana. Texas bættist við á þann lista nú um helgina þegar pólitíska fréttasíðan The Hill sagði frá 5% forskoti Biden í ríkinu.

Repúblikanar fjarlægjast Trump og pakka í vörn

Talsvert mikið þarf að eiga sér stað til þess að Trump vinni kosningarnar í nóvember úr því sem komið er, og ef tölurnar fara ekki að sveiflast í átt til hans á næstu vikum er sigur hans svo gott sem útilokaður. Enn eru 17 vikur til kosninga og vika vissulega langur tími í pólitík, en slíkt er forskotið sem Biden nýtur að Repúblikanar eru farnir að breyta brögðum og miðast kosningabarátta flokksins nú fyrst og fremst að því að stöðva blæðinguna yfir til Demókrata.

Kosið er þriðjudaginn 3. nóvember að þessu sinni um forseta, alla 435 þingmenn neðri deildarinnar og 35 sæti efri deilarinnar sem hefur í heildina 100 þingmenn. Auk þess er kosið um fjöldan allan af öðrum embættum á vettvangi hvers ríkis, sýslu, borgar og bæjar fyrir sig. Eru dæmi um að kjörseðlar hafi mælast heill metri að lengd. Að missa Hvíta húsið væri vissulega skellur fyrir Repúblikana, en að missa yfirráð yfir efri deildinni í ofanálag væri enn verra. Hefðu þá Demókratar tvö heil ár af algjörum yfirráðum í báðum deildum þingsins og Hvíta húsinu. Þannig væri löggjafar- og framkvæmdavaldið í öruggum höndum þeirra bláu og áhrif Repúblikana svo gott sem engin.

Kjördæmaskipting og yfirráð næsta áratuginn gætu verið undir

Þingsköp efri deildar eru að vísu þannig að þau veita minnihlutanum umtalsvert svigrúm til málþófs, og hefur það verið nýtt óspart í gegnum árin. Það gerir það að verkum að oftast er samið um meðferð mála í efri deildinni. 60 atkvæði þarf til að koma í veg fyrir málþóf, en litlar líkur eru á að Demókratar nái svo miklum meirihluta. Hinsvegar gæti það orðið að veruleika 2022 þegar kosið verður um önnur 33 sæti í deildinni. Fari svo að Demókratar taki Hvíta húsið og efri deildina úr höndum Repúblikana og haldi meirihluta sínum í neðri deildinni núna í nóvember munu þau jafnframt hafa algjör yfirráð yfir kjördæmaskiptingunni (e. redistricting) sem samkvæmt lögum skal fara fram eftir hvert mantal, en næsta mantal er á þessu ári, 2020. Einmenningskjördæmin í bandaríkjunum gera skiptingu kjördæma gríðarlega mikilvæga, en með því að raða kjördæmaskiptingu innan ríkis með ákveðnum hætti er svo gott sem hægt að stjórna möguleikum flokkanna á að halda þeim kjördæmum næstu tíu árin.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Sólþyrstir Íslendingar flykkjast enn til sólarlanda

Sólþyrstir Íslendingar flykkjast enn til sólarlanda
Fréttir
Í gær

Líklegt að samkomutakmarkanir verði hertar

Líklegt að samkomutakmarkanir verði hertar
Fréttir
Fyrir 2 dögum

Mikið um þjófnað á höfuðborgarsvæðinu – Hvatt til að fólk sé á varðbergi

Mikið um þjófnað á höfuðborgarsvæðinu – Hvatt til að fólk sé á varðbergi
Fréttir
Fyrir 2 dögum

ÁTVR færir öryggismálin til Securitas

ÁTVR færir öryggismálin til Securitas