fbpx
Föstudagur 07.ágúst 2020
Fréttir

Dæmdur fyrir stórfellt dópsmygl en vinnur fyrir borgina

Tobba Marinósdóttir
Sunnudaginn 12. júlí 2020 18:00

Í innkaupareglum Reykjavíkurborgar er ekkert sem mælir gegn því að bjóðendur og þátttakendur í útboðum séu með dóm á bakinu fyrir fíkniefnainnflutning eða umferðarlagabrot.

Ekki missa af Helstu tíðindum dagsins í pósthólfið þitt

Lesa nánar

Einstaklingar sem hafa verið sakfelldir fyrir stórfelld fíkniefnabrot eru ekki útilokaðir frá þátttöku í útboðum á vegum Reykjavíkurborgar. Einu gildir þó að viðkomandi einstaklingur bíði afplánunar.

Í júlí á síðasta ári ákvað umhverfis og skipulagssvið Reykjavíkurborgar að ganga að tilboði Þakafls ehf. í viðhald og endurbætur á þaki leikskólans Lyngheima. Þann 4. mars sl. var síðan samþykkt að ganga að tilboði HIH málunar ehf. í málun á sex fasteignum á vegum Reykjavíkurborgar. Tilboðið var upp á tæpar 6,5 milljónir króna. Þá var samþykkt annað tilboð frá HIG málun ehf, upp á tæpar 11 milljónir, fyrir málun á tólf öðrum fasteignum í borginni.

Mikið magn sterkra fíkniefna

Skráður stjórnarmaður og helmingseigandi í bæði HIH málun ehf. og Þakafli ehf. er Tómas Arnarson. Í júní á seinasta ári var Tómas dæmdur í tveggja og hálfs árs fangelsi fyrir hlutdeild í umfangsmiklu fíkniefnasmygli frá Hollandi til Íslands. Þá hefur hann frá árinu 2011 hlotið sex óskilorðsbundna fangelsisdóma fyrir umferðarlagabrot.

Forsaga málsins er sú að árið 2017 var Tómas, ásamt öðrum manni, ákærður fyrir að hafa staðið að innflutningi á rúmum þremur kílóum af MDMA. Efnunum var komið fyrir í sófa sem keyptur var í bænum Oosterhout í Hollandi í júní árið 2015 og síðan fluttur til landsins með flutningaskipi. Lögreglan fann efnin í sófanum á vöruhóteli Eimskipa daginn eftir og lagði hald á þau.

Maðurinn sem ákærður var ásamt Tómasi játaði fyrir héraðsdómi Reykjavíkur að hafa skipulagt innflutninginn og var því sakfelldur. Hlaut hann fimm ára fangelsisdóm. Héraðsdómur sýknaði hins vegar Tómas, en hann neitaði ávallt sök í málinu. Málinu var áfrýjað til Landsréttar sem síðan sneri við dómi Héraðsdóms, í júní á seinasta ári. Í dómi Landsréttar kemur meðal annars fram að skýringar Tómasar á atriðum sem tengdu hann við kaupin á sófanum hafi verið „ónákvæmar og um margt misvísandi og ótrúverðugar.“ Þá hafi sú afstaða hans að nefna ekki nöfn annarra sem hann hitti og eyddi tíma með í þessum tveimur ferðum dregið úr trúverðugleika framburðar hans. Hann var lokum dæmdur í tveggja og hálfs árs fangelsi fyrir sinn hlut í málinu. Við ákvörðun refsingar var tekið mið af því að hann var fundinn sekur um að hafa staðið að innflutningi á miklu magni af sterkum fíkniefnum.

Ákveðin brot undanskilin

Eyþóra Kristín Geirsdóttir er lögmaður hjá embætti borgarlögmanns. Í skriflegu svari við fyrirspurn DV stendur:

„Í innkaupareglum Reykjavíkurborgar er hvergi mælt fyrir um skyldu til að hafna tilboði sem stafar frá bjóðanda, hvers stjórnarmenn eða eigendur hafa hlotið dóma fyrir fíkniefnainnflutning eða umferðarlagabrot. Það væri því ekki andstætt innkaupareglum að samþykkja tilboð frá fyrirtæki í eigu einstaklings sem hefði hlotið dóm fyrir fíkniefnainnflutning og/ eða umferðarlagabrot.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 8 klukkutímum

Lofaði að endurgreiða helminginn en fór á hausinn

Lofaði að endurgreiða helminginn en fór á hausinn
Fréttir
Fyrir 10 klukkutímum

Umferðarslys í Grafarvogi – Tillitslaus hávaðaseggur

Umferðarslys í Grafarvogi – Tillitslaus hávaðaseggur
Fréttir
Í gær

Átak í gangi til að endurheimta stolið mótorhjól þýsks ferðamanns

Átak í gangi til að endurheimta stolið mótorhjól þýsks ferðamanns
Fréttir
Í gær

Menn í sjónum við Álftanes

Menn í sjónum við Álftanes
Fréttir
Í gær

Ungt fólk áberandi meðal COVID-smitaðra – „Er í alvörunni nauðsynlegt að djamma??“

Ungt fólk áberandi meðal COVID-smitaðra – „Er í alvörunni nauðsynlegt að djamma??“
Fréttir
Fyrir 2 dögum

„Við virðumst ekki vera með útbreitt smit í samfélaginu“

„Við virðumst ekki vera með útbreitt smit í samfélaginu“
Fréttir
Fyrir 2 dögum

Margrét gagnrýnir Semu harðlega: „Hún ákvað að endurvekja 2 ára gamalt mál og rifja upp eitthvað fyllerísrugl“

Margrét gagnrýnir Semu harðlega: „Hún ákvað að endurvekja 2 ára gamalt mál og rifja upp eitthvað fyllerísrugl“
Fréttir
Fyrir 2 dögum

Óvissa um hvernig skólastarfi verður háttað vegna COVID-19

Óvissa um hvernig skólastarfi verður háttað vegna COVID-19