fbpx
Þriðjudagur 14.júlí 2020
Fréttir

Guðmundur Víðir er látinn

Ágúst Borgþór Sverrisson
Miðvikudaginn 27. maí 2020 18:29

Ekki missa af Helstu tíðindum dagsins í pósthólfið þitt

Lesa nánar

Guðmundur Víðir Helgason líffræðingur lést þann 9. maí síðastliðinn, 64 ára að aldri.

Guðmundur var merkur vísindamaður á sviði líffræði og umhverfismála og birti fjölmargar vísindagreinar í innlendum og erlendum tímaritum.

Jón Atli Benediktsson háskólarektor minnist Guðmundar í pistli á Facebook í dag og fer í stuttu máli yfir feril hans. Jón Atli segir:

„Guðmundur Víðir Helgason líffræðingur lést 9. maí sl., 64 ára að aldri.
Guðmundur Víðir fæddist í Reykjavík 1. apríl 1956. Hann lauk B.Sc. prófi í líffræði frá Háskóla Íslands árið 1979, B.Sc. fjórða árs námi 1982 og M.Sc. námi frá Háskólanum í Gautaborg 1985.

Guðmundur Víðir starfaði við Líffræðistofnun Háskólans frá 1985 til 2014 við rannsóknir í fjörum og á sjávarbotni. Hann var einn af verkefnastjórum verkefnisins Botndýr á Íslandsmiðum (BIOICE) 1992-2013 og var forstöðumaður Rannsóknarstöðvarinnar í Sandgerði frá 1992 til lokunar hennar 2013. Guðmundur Víðir rannsakaði flokkun burstaorma og stöðu þeirra í botndýrasamfélögum við Ísland. Árið 2014 stofnaði Guðmundur Víðir ásamt öðrum Rorum ehf., fyrirtæki á sviði rannsókna og ráðgjafar í umhverfismálum, og starfaði þar sem sérfræðingur við ýmis rannsóknarverkefni og gegndi stöðu formanns stjórnar. Guðmundur Víðir sat jafnframt um árabil í stjórn Félags íslenskra náttúrufræðinga (FÍN).

Eftir hann liggja fjölmargar vísindagreinar í innlendum og erlendum tímaritum. Nýjasta greinin birtist í breska tímaritinu Journal of Natural History nú í maímánuði.

Fyrir hönd Háskóla Íslands þakka ég störf Guðmundar Víðis Helgasonar í þágu skólans og votta aðstandendum hans innilega samúð.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 20 klukkutímum

Bjarni er áhyggjufullur vegna spennistöðvar sem er að rísa beint fyrir utan svefnherbergisgluggann hans

Bjarni er áhyggjufullur vegna spennistöðvar sem er að rísa beint fyrir utan svefnherbergisgluggann hans
Fréttir
Fyrir 21 klukkutímum

Mikil ólga Í Grindavík vegna birtingar ofbeldismyndbands

Mikil ólga Í Grindavík vegna birtingar ofbeldismyndbands
Fréttir
Fyrir 2 dögum

Brooklyn Beckham trúlofaður: „Ég bað sálufélaga minn um að giftast mér og hún sagði já!“

Brooklyn Beckham trúlofaður: „Ég bað sálufélaga minn um að giftast mér og hún sagði já!“
Fréttir
Fyrir 2 dögum

Andrés Indriðason er látinn

Andrés Indriðason er látinn