Andlát rúmlega sjötugrar konu sem sýktist af kórónuveirunni og lést á Landspítalanum í gær var til umræðu á upplýsingafundi um COVID-veiruna í dag. Alma Möller landlæknir vottaði aðstandendum konunnar sína dýpstu samúð. „Við kappkostum að greina frá staðrendum tímanlega og með ábyrgumn hætti. við höfum áður útskýrt og rökstutt af hverju við getum ekki rætt einstök tiltelli en það að upplýsa um andlát er á forræði viðkomandi stofnunar. Við verðum að sýna sömu nærgætni hér og varðandi önnur andlát,“ sagði Alma og gat ekki rætt frekar um andlát konunnar.
Fréttin um þetta andlát var nokkuð á skjön við daglega tilkynningar hingað til um innlagða sjúklinga þar sem enginn hefur verið sagður í lífshættu.
Komið hefur í ljós að konan sem lést í gæt þjáðist af astma. Þórólfur Guðnason sóttvarnalæknir var spurður hvort ekki hafi komið til greina að fyrirskipa fólki með undirliggjandi sjúkdóma í einangrun. Þórólfur sagði að fólki með lungnavandamál, reyndar ekki fólki með asthma, hefði verið ráðlagt að fara í verndandi einangrun, en ekki fyrirskipað neitt.