fbpx
Fimmtudagur 28.janúar 2021
Fréttir

Embætti forsetaritara laust til umsóknar – Sjáðu kröfurnar sem gerðar eru

Heimir Hannesson
Föstudaginn 27. nóvember 2020 11:01

mynd/fréttablaðið

Ekki missa af Helstu tíðindum dagsins í pósthólfið þitt

Lesa nánar

Embætti forsetaritara hefur verið auglýst laust til umsóknar. Miðað er við að nýr forsetaritari hefji störf 1. mars, að því er fram kemur í auglýsingunni og má því búast við að Örnólfur Thorsson, núverandi forsetaritari, láti af störfum þá. Örnólfur mun þá hafa starfað innan forsetaembættisins í rúma tvo áratugi. Hann hóf þar störf sem sérfræðingur árið 1999 og var skrifstofustjóri þar frá 2003. Árið 2005 var Örnólfur skipaður forsetaritari í stað Stefáns Lárusar Stefánssonar.

Mörgum kann að þykja staða forsetaritara spennandi framtíðarstarf, en í starfslýsingu kemur meðal annars fram að forsetaritari starfi undir yfirstjórn forseta og stýri fjármálum, mannauði og daglegum störfum á skrifstofu forseta og Bessastöðum. Þá annast forsetaritari fyrir hönd embættisins samskipti við Alþingi, ráðuneyti, fjölmiðla og sendiherra erlendra ríkja gagnvart Íslandi.

Ríkar kröfur verða gerðar til umsækjenda, en í auglýsingu segir að æskilegt sé að umsækjendur hafi háskólamenntun sem nýtist í starfi, fjölþætta reynslu af stjórnun, störfum á alþjóðavettvangi, leiðtogahæfni og færni í mannlegum samskiptum. Þá er staðgóðrar þekkingar á íslenskri stjórnskipun og stjórnsýslu sögð æskileg. Umsækjendur skulu enn fremur hafa gott vald á íslenskri og enskri tungu í ræðu og riti auk færni í að minnsta kosti einu Norðurlandamáli.

Á skrifstofu forseta starfa átta manns, og er þar starfsfólk á Bessastöðum meðtalið.

Áhugasamir hafa nú rúman hálfan mánuð til að hugsa sig um og útbúa fylgigögn með umsókn. Umsóknum skal skilað til embættis forseta Íslands, Sóleyjargötu 1, 101 Reykjavík fyrir 15. desember næstkomandi eða á umsokn@forseti.is. Með henni skal fylgja starfsferilskrá og kynningarbréf þar sem gerð er grein fyrir ástæðum umsóknar og því hvernig umsækjandi uppfyllir hæfniskröfur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Diljá um heiðurstengda ofbeldið – „Ekkert annað en yfirlæti eða mannfyrirlitning“

Diljá um heiðurstengda ofbeldið – „Ekkert annað en yfirlæti eða mannfyrirlitning“
Fréttir
Í gær

Orkubúið ætlaði að loka fyrir rafmagn til Kampa – Skuldin sögð nema tugum milljóna

Orkubúið ætlaði að loka fyrir rafmagn til Kampa – Skuldin sögð nema tugum milljóna
Fréttir
Í gær

Guðmundur Magnússon jarðsettur í dag – Þekktir Íslendingar minnast frábærs kennara

Guðmundur Magnússon jarðsettur í dag – Þekktir Íslendingar minnast frábærs kennara
Fréttir
Í gær

Vopnaðir dópsalar dreifðu grasi og spítti um Akureyri – Höfðu saman 250 þúsund á mánuði upp úr krafsinu

Vopnaðir dópsalar dreifðu grasi og spítti um Akureyri – Höfðu saman 250 þúsund á mánuði upp úr krafsinu
Fréttir
Fyrir 2 dögum

Hjólahvíslarinn varð fyrir afbroti – „Skrýtin tilfinning“

Hjólahvíslarinn varð fyrir afbroti – „Skrýtin tilfinning“
Fréttir
Fyrir 2 dögum

Eldur logar á ný í Kaldaseli – MYNDIR

Eldur logar á ný í Kaldaseli – MYNDIR
Fréttir
Fyrir 3 dögum

Eitt innanlandssmit í gær – Lægsta tíðni nýgengi smita síðan í júlí

Eitt innanlandssmit í gær – Lægsta tíðni nýgengi smita síðan í júlí
Fréttir
Fyrir 3 dögum

Slökkvilið enn að störfum í Breiðholti – 40 slökkviliðsmenn komu að brunanum

Slökkvilið enn að störfum í Breiðholti – 40 slökkviliðsmenn komu að brunanum