fbpx
Fimmtudagur 26.nóvember 2020
Fréttir

Óhugnanleg árás í Langholtshverfi – Tveir menn réðust á par inni í bíl

Ágúst Borgþór Sverrisson
Fimmtudaginn 29. október 2020 10:05

Ekki missa af Helstu tíðindum dagsins í pósthólfið þitt

Lesa nánar

Ungt par varð fyrir þeirri óhugnanlegri reynslu í gærkvöld að tveir menn réðust inn í bíl fólksins. Atvikið átti sér stað í Sólheimum á móts við Langholtskirkju, milli klukkan 20 og 20:30 í gærkvöld.

Stúlkan flýði af vettvangi en mennirnir börðu kærasta hennar og lögðu hnífsblað að hálsi hans. Þeir stálu öllu steini léttara úr bílnum, meðal annars fötum og skóm piltsins.

Hann komst við illan leik í síma í húsi í nágrenninu og hringdi á lögreglu.

Móðir stúlkunnar sem lenti í árásinni greinir frá málinu í íbúahópi Langholtshverfis á Facebook.

Guðmundur Páll Jónsson, lögreglufulltrúi á Stöð 1 hjá Lögreglunni á höfuðborgarsvæðinu, staðfesti í samtal við DV að skýrsla væri til um atvikið. Samkvæmt henni eru grunuðu árásamennirnir erlendir. Sem betur fer eru áverkar á piltinum eftir árásina óverulegir.

Þeir sem kunna að hafa orðið vitni að árásinni eða geta gefið einhverjar upplýsingar um hana eru beðnir um að hafa samband við lögreglu í síma 444 1000.

Uppfært kl. 11: 25: 

Lögreglan á höfuðborgarsvæðinu hefur birt eftirfarandi tilkynningu um málið:

„Lögreglan á höfuðborgarsvæðinu leitar tveggja manna vegna rannsóknar hennar á ráni í Sólheimum við Langholtskirkju á níunda tímanum í gærkvöld, en tilkynning um málið barst kl. 20.20. Tveir, grímukæddir menn komu að bifreið sem þarna var og bæði ógnuðu fólkinu sem í henni var með eggvopni og slógu til ökumannsins sem hlaut áverka af. Síðan rændu þeir nokkru af munum úr bifreiðinni.
Þeir sem búa yfir vitneskju um málið eru vinsamlegast beðnir um að hafa samband við lögregluna í síma 444-1000, en upplýsingum má einnig koma á framfæri í tölvupósti á netfangið gudmundur.pall@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Innbrotsþjófar á ferð – Handtekinn vegna brots á reglum um sóttkví

Innbrotsþjófar á ferð – Handtekinn vegna brots á reglum um sóttkví
Fréttir
Fyrir 20 klukkutímum

Bæklingur um „Græna planið“ kostaði borgina 10 milljónir – 9.6 tonn af pappír í kynningu á umhverfisvænu skipulagi

Bæklingur um „Græna planið“ kostaði borgina 10 milljónir – 9.6 tonn af pappír í kynningu á umhverfisvænu skipulagi
Fréttir
Í gær

Einar í Kastljósinu er alveg að gefast upp á þessu – „Orðinn óþreyjufullur“

Einar í Kastljósinu er alveg að gefast upp á þessu – „Orðinn óþreyjufullur“
Fréttir
Í gær

Óánægja meðal íbúa Langholtshverfis vegna konu á götuhorni – „Þessi kona er algjört fífl“

Óánægja meðal íbúa Langholtshverfis vegna konu á götuhorni – „Þessi kona er algjört fífl“