Slökkviliðið á höfuðborgarsvæðinu var kallað út rétt fyrir klukkan 21 í gærkvöldi vegna elds sem kom upp í bifreið í Kópavogi. Bifreiðin var ekki í gangi þegar eldurinn kom upp og er hún ónýt. Að sögn lögreglu var hundur í bifreiðinni og var hann fluttur til dýralæknis vegna mögulegrar reykeitrunar.
Gærkvöldið og nóttin voru tíðindalítil í umdæmi lögreglunnar á höfuðborgarsvæðinu. Þó nokkrir ökumenn voru þó stöðvaðir vegna gruns um akstur undir áhrifum fíkniefna. Þá var tilkynnt um tvö umferðaróhöpp, annað í Árbæ og hitt á Reykjanesbraut, en ekki urðu slys á fólki.