Síðdegis í gær valt rúta skammt frá bænum Öxl, sunnan við Blöndós. Um borð í rútunni voru 50 manns, háskólanemar og bílstjóri. Þrír voru fluttir með þyrlu á slysadeild Landspítalans, en aðrir sluppu ómeiddir eða með vægari áverka. Þeir sem sluppu frá slysinu með enga eða væga áverka fengu athvarf á Blönduósi í nótt.
María Kristjánsdóttir, ein þeirra sem dvaldi á Blönduósi í nótt eftir slysið, segir að móttökurnar á Blöndósi hafi verið mjög góðar og dvelji nemendur þar í góðu atlæti. Frá þessu greinir hún á Facebook, en Fréttablaðið vakti athygli á færslunni.
„ Við hjúkrunar- og læknanemar sem lentum í og urðum vitni af bílveltunni viljum þakka samfélaginu á Blönduósi fyrir að taka sig saman veita okkur aðstoð og hjálp. Við erum í góðu atlæti í grunnskólanum með nóg af dýnum, sængum og koddum! Þau opnuðu kjörbúðina sérstaklega fyrir okkur, löngu eftir að hún lokaði.
Við höfum aðgang að sturtum í íþróttahúsinu við hliðiná. Einn íbúi kom með sérstaka dýnu fyrir bakveika (ef ske kynni að einhver væri bakveikur) og bauðst einnig til þess að koma með rúm sonar síns! Þetta er alveg hreint magnað og viljum við að íbúar Blönduósar og þeir viðbragðsaðliðar sem hafa verið okkar innan handar viti hversu mikið við metum þetta! Takk!”