Böðvar Guðmundsson, dæmdur barnaníðingur, virðist vera byrjaður að safna myndum af börnum á ný. Líkt og DV greindi frá í gær þá er hann kominn aftur á kreik og hefur sent fjölda kvenna skilaboð þar sem hann þykist eiga barn. Það sem einkennir níð hans er að hann er með blæti fyrir bleyjum og biður iðulega um myndir af börnum í bleyjum.

Innan Facebook-hópsins Við birtum nöfn og myndir af dæmdum barnaníðingum er birt skjáskot af skilaboðum sem Böðvar ku hafa sent konu. Þar má sjá mynd af barni upp í rúmi í bleyju. Hann segir barnið sitt og 11 ára. Ljóst er að Böðvar á hvorki barn né er líklegt að barnið sé svo gamalt. Barnið virðist fremur um fimm ára. „Þetta er minn gaur,“ skrifar hann.

Sjá einnig: Böðvar kominn aftur á kreik – Dæmdur barnaníðingur með bleyjublæti

Það sem gerir þessa mynd enn verri er að hún finnst ekki á Google. Það bendir til þess að henni hafi ekki verið deilt á netinu áður og því mögulegt að hann hafi sjálfur tekið myndina. Myndin gæti þó hæglega vera ættuð af síðum þar barnaníðingar deila myndum innbyrðis, en Google nær ekki utan um slíkar síður.

Böðvar fékk dóm árið 2014 fyrir kynferðislega áreitni á hendur 14 ára dreng auk þess sem yfir 500 myndir af börnum í kynferðislegum stellingum fundust á tölvu hans og farsíma. Í flestum tilvikum voru börnin í bleyju.

Innan fyrrnefnds hóps er spurt um hvort ekkert eftirlit sé með honum. „Þessi gæji hangir fyrir utan Shell á Vesturlandsvegi alla daga á vespunni sinni (bara ef einhver vildi vita). Ætti hann ekki að vera lokaður einhversstaðar inni?  Hvar eru forráðamennirnir hans?,“ spyr ein kona.

Uppfært kl. 11:24

Foreldri barnsins í myndinni sem þessi frétt fjallar um hefur haft samband við DV. Barnið er íslenskt og er málið komið á borð lögreglu. Foreldri barnsins óskaði eftir því að myndin yrði fjarlægð og DV varð við þeirri ósk.