fbpx
Sunnudagur 24.maí 2020
Fréttir

Íslenskri stúlku nauðgað á Krít: Samfélagið í bænum harmi slegið vegna málsins

Auður Ösp
Föstudaginn 5. júlí 2019 09:00

Ekki missa af Helstu tíðindum dagsins í pósthólfið þitt

Lesa nánar

19 ára gamalli íslenskri stúlku var nauðgað af tveimur þýskum karlmönnum í bænum Hersonissos á Krít í síðasta mánuði. Málið er til rannsóknar hjá þarlendum lögregluyfirvöldum. Samfélagið í bænum er harmi slegið vegna málsins. Árásin er sögð hafa verið afar hrottaleg.

Grískir fjölmiðlar greina frá málinu og lýsa því meðal annars sem „grimmdarverki“, „hryllingi“, „hörmung“ og „ódæðisverki“. Málið er sagt vefjast fyrir yfirvöldum og þá sé allt bæjarfélagið í áfalli vegna þess. Á vef Cretalive og Cretapost er stúlkan sögð hafa verið í „hræðilegu ástandi“.

Hersonissos Vinsæll áfangastaður á Krít.

Menntaskólanemar í útskriftarferðum

Síðustu ár hafa sífellt fleiri Íslendingar lagt leið sína til Hersonissos, sem er orðinn einn stærsti og vinsælasti ferðamannabærinn á Krítareyju. Þúsundir íslenskra menntaskólanema voru staddir í útskriftarferð í bænum í síðasta mánuði.

Fram kemur að íslenska stúlkan hafi verið í fríi á Hersonissos þann 13. júní síðastliðinn. Var hún að skemmta sér á bar í bænum og hitti þar mennina tvo frá Þýskalandi. Kemur fram að mennirnir tveir hafi einnig verið staddir í fríi á Krít. Annar þeirra er sagður vera 34 ára gamall en hinn 38 ára.

Árásin í dimmu húsasundi

Samkvæmt málsgögnum drógu mennirnir tveir stúlkuna út af barnum seinna um kvöldið. Á fréttavef Matrix kemur fram að árásin hafi átt sér stað í dimmu húsasundi og að mennirnir tveir hafi nauðgað stúlkunni „margsinnis“. Þeir flúðu því næst af vettvangi. Stúlkan komst til baka á hótelið þar sem hún dvaldi.

Stúlkan leitaði á lögreglustöð í kjölfarið og tilkynnti brotið. Er hún sögð hafa verið „í miklu áfalli“. Lögreglan er sögð hafa brugðist afar skjótt við og leiddi það til þess að mennirnir tveir fundust og voru handteknir aðeins nokkrum klukkustundum síðar. Stuttu eftir að mennirnir voru handteknir bar stúlkan kennsl á þá á lögreglustöðinni „með tár í augum“.

Erfitt að finna lífsýni

Stúlkan gekkst undir læknisskoðun og kemur fram að læknir hafi meðal annars fundið smápeninga og peningaseðil í leggöngum hennar. Þá kemur fram að erfitt hafi reynst að finna lífsýni á líkama stúlkunnar.

Ekkert sæði fannst við skoðunina en að sögn stúlkunnar notuðu árásarmennirnir smokk.

Mennirnir neita báðir sök í málinu. Við yfirheyrslur sögðust þeir aldrei hafa hitt stúlkuna áður. Þeir hafa verið úrskurðaðir í gæsluvarðhald og er málið til rannsóknar hjá lögreglu samkvæmt frétt á vef Cretalive. Þá er málið komið inn á borð saksóknaraembættisins í Heraklion.

DV hafði samband við blaðafulltrúa utanríkisráðuneytisins við vinnslu fréttarinnar sem gat ekki tjáð sig um málið að svo stöddu.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Í gær

Þegar ég var kynskiptingur í fangelsi fyrir að kúga ráðherra

Þegar ég var kynskiptingur í fangelsi fyrir að kúga ráðherra
Fréttir
Í gær

Telur líklegt að Icelandair geti samið við flugliða utan Flugfreyjufélags Íslands

Telur líklegt að Icelandair geti samið við flugliða utan Flugfreyjufélags Íslands
Fréttir
Í gær

Eldur logaði í bíl

Eldur logaði í bíl
Fréttir
Í gær

Forsetaframbjóðandi vildi borga fimm ár fyrirfram

Forsetaframbjóðandi vildi borga fimm ár fyrirfram
Fréttir
Fyrir 2 dögum

Aðeins einn greiddi atkvæði gegn samningi

Aðeins einn greiddi atkvæði gegn samningi
Fréttir
Fyrir 2 dögum

Ragnar hljóp á sig og viðurkennir mistök – „Það kom mér á óvart hversu langt þetta er komið“

Ragnar hljóp á sig og viðurkennir mistök – „Það kom mér á óvart hversu langt þetta er komið“
Fréttir
Fyrir 3 dögum

„Flugfreyjur fá aldrei laun frá bandaríska fjárfestinum sem þær sætta sig við“

„Flugfreyjur fá aldrei laun frá bandaríska fjárfestinum sem þær sætta sig við“
Fréttir
Fyrir 3 dögum

Auðveldara en áður að hækka verð og okra á viðskiptavinum

Auðveldara en áður að hækka verð og okra á viðskiptavinum