fbpx
Laugardagur 23.október 2021
Fréttir

Tveir lögregluþjónar fóru heim til Gylfa Ægis: Geir Jón: „Gefðu þessu liði ekkert eftir vinur“

Kristjón Kormákur Guðjónsson
Föstudaginn 2. júní 2017 23:17

Ekki missa af Helstu tíðindum dagsins í pósthólfið þitt

Lesa nánar

„Á miðvikudag komu til mín 2 skemmtilegir lögreglumenn með kæru frá 27 apríl 2015. Kæran er frá Samtökunum 78 og þar er ég sakaður um að hafa talað með refsiverðum hætti á samfélagsmiðlunum um hinseginfólk.“

Þetta skrifar Gylfi Ægisson á Facebook-síðu sína og bætir við: „Hinsegin Dagar hafa með klámvæddum göngum sínum í gegnum árin brotið á börnum eftirfarandi lög: 93 grein barnaverndarlaga“

Gylfi Ægisson var kærður af Samtökunum 78 og sakaður um að tala með refsiverðum hætti um samkynhneigða. Gylfi fær mikinn stuðning frá vinum sínum, meðal annars stappar Geir Jón Þórisson fyrrverandi yfirlögregluþjónn í hann stálinu og býður hann velkominn til Vestmannaeyja til að skemmta síðar. Stjórnarmeðlimum þótti Gylfa Ægissin tjá sig með ærumeiðandi hætti í garð samkynhneigðra.

Í frétt frá 2013 á DV var haft eftir Gylfa Ægissyni um Gleðigönguna:

„Þegar Borgarstjórinn er farinn að klæðast Íslenska Þjóðbúningnum (Gefa skít í hann) og mála sig, verður manni óglatt. Megas vinur minn spurði mig einu sinni af hverju heitir engin gata Rassgata í Reykjavík? Mæli ég nú með því að laugarvegurinn verði skírður upp á nýtt og Látinn heita Rassgata. Það væri svo við hæfi að Jón Gnarr klippti á borðann.

Mynd: © DV / Þormar

„Börn sem horfa á og alast upp við að þetta sé allt eðlilegt finnst þetta kannski spennandi og skemmast við að sjá þetta seinna meir. Ef svo að þjóðin öll verður orðin öfug eftir nokkur ár, þarf að flytja inn börn frá Rússlandi.“

Geir Jón Þórisson fyrrverandi yfirlögregluþjónn sendir Gylfa stuðningskveðju á Facebook og segir:

„Gefðu þessu liði ekkert eftir vinur.“

Gylfi þakkar fyrir sig og bætir við:

„Ég á að skemmta á sjómannadaginn í Eyjum!“

„Vertu alltaf velkominn til Eyja vinur. Þú varst frábær í fyrra. Þú veist vinur að við tökum fagnandi á móti þér,“ segir Geir Jón.

„Ég gefst aldrei upp!“ svarar Gylfi kokhraustur.

Kærði BDSM samtökin

Mynd: DV ehf / RAgnheiður Eiríksdóttir

Gylfi hefur látið mikið á sér kveða og kærði sjálfur meðal annars BDSM-samtökin. Pressan greindi frá því árið 2015 að BDSM samtökunum yrðu meinuð þátttaka í gleðigöngunni og fagnaði Gylfi niðurstöðunni ógurlega.

„Við höfum unnið stórsigur á harðlínuperrum hinsegin fólks. Það er ekki nóg með það heldur viðurkenna Hinsegin Dagar það sem við héldum fram að þetta hafi verið klámvæddar göngur í gegnum árin og þar með viður kenna þeir að þessar gleðigöngur hafi brotið barnaverndarlögin og líka blygðunarlögin.”

Gylfi sakar Samtökin hafa meðal annars brotið blygðunarlög en kveðst reiðubúinn til að sitja inni ef þess þarf. Gylfi segir á Facebook:

„Meirihluti Íslendinga veit að Gleðigöngur Hinsegin daga voru klámvæddar og brutu því lög og það gerði líka saksóknari ríkisins Sigríður Friðjónsdóttir með því að taka þátt í gleðigöngunum ásamt mörgum þingmönnum þjóðarinnar og borgarstjóranum í Reykjavík.“

Kristín Sævarsdóttir, stjórnarmeðlimur Hinsegin Daga sagði í samtali við Vísi árið 2014 að engin klámvæðing væri á Hinsegin dögum.

„Það er miklu meiri klámvæðing í öllum tónlistarmyndböndum sem þú finnur á netinu og í fjölmiðlum. Þetta er auðvitað bara gleðiganga og fjölskylduviðburður fyrir alla aldurshópa þannig að mér finnast þessi ummælin hans algjörlega skot fyrir neðan mitti.“

Gylfi er óhræddur og segir að ef málið fari fyrir dómstóla og sigri ætlar hann að krefjast þess að Sigríður Friðjónsdóttir ríkissaksóknari segi af sér „og fái sína refsingu ásamt öðru háttsettu fólki sem tók þátt í þessum klámvæddu gleðigöngum og brutu með því barnaverndarlögin, blygðunarlögin, og 34 grein barnasáttmála sameinuðu þjóðanna. Ef ég tapa málinu þá tek ég út mína refsingu með bros á vör!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Mikill hagnaður Icelandair á þriðja ársfjórðungi

Mikill hagnaður Icelandair á þriðja ársfjórðungi
Fréttir
Fyrir 2 dögum

Kona í stappi við tryggingafélag eftir að hún varð fyrir bíl sem ók yfir á rauðu ljósi

Kona í stappi við tryggingafélag eftir að hún varð fyrir bíl sem ók yfir á rauðu ljósi
Fréttir
Fyrir 2 dögum

Héraðsdómaranum Inga boðið að borga 250 þúsund króna sekt fyrir að brjóta kosningalög

Héraðsdómaranum Inga boðið að borga 250 þúsund króna sekt fyrir að brjóta kosningalög
Fréttir
Fyrir 2 dögum

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“