Arna Vilhjálmsdóttir stóð uppi sem sigurvegari Biggest Loser Ísland árið 2017. Í keppninni missti Arna sextíu kíló.
Arna fékk nóg af því að fela sig og líkama sinn, eftir að hafa stigið upp á vigt á íþróttatopp fyrir framan þjóðina ákvað hún að nú væri ekki aftur snúið. Hún heldur úti vinsælum Instagram-aðgangi og deilir hvetjandi myndum með jákvæðum boðskap. Arna sýnir sig alveg eins og hún er til að hvetja sig sjálfa og aðra.
Sjá einnig: Arna sigraði í Biggest Loser og deilir nú hvetjandi myndum á samfélagsmiðlum: „Ég er svona, og hvað?“
Arna opnaði sig fyrir fylgjendum sínum á Instagram í gærkvöldi. DV heyrði í henni og fékk góðfúslegt leyfi til að deila þessu áfram með lesendum.
Lítil í sér
„Ég var búin að eiga langan dag […] og var eitthvað lítil í mér,“ segir Arna.
Hún segir í samtali við DV að hún hafi verið lítil í sér vegna stress og kvíða sem hún finnur fyrir í kjölfar breytinga, en hún er að fara í nám.
„Þegar ég er stressuð og kvíðin þá er ég fljót að pikka allt sem er „að.“ Eins og það að ég sé búin að þyngjast,“ segir Arna.
„Ég fór að skoða myndir. Þar rakst ég á þessa frá 2016,“ segir Arna og birti myndina sem má sjá hér að neðan.
„Að segja svo að ég hafi ekki náð langt þrátt fyrir að hafa þyngst eitthvað aftur er helvítis kjaftæði sem ég þarf að hætta að segja við mig sjálfa,“ segir hún.
„Ég flutti heim til bróður míns á Patreksfjörð og var í fjarnámi því ég var svo hrædd um að gera eitthvað heimskulegt, eins og skaða mig. Ég var að springa í öllum merkingum orðsins – andlega, líkamlega,“ segir Arna.
„Stundum er bara gott að minna sig á að það að vera hérna ennþá í dag er einn helvítis risa fokking sigur.“
https://www.instagram.com/p/B7ZRvxIpc4y/
Arna er dugleg að deila myndum og hvetjandi boðskap á Instagram. Fyrir nokkrum dögum deildi hún mynd af sér þegar hún hafði nýlokið Biggest Loser Ísland keppninni.
„Þarna fannst mér ég ógeeeðsleg feit – svo ég setti textann yfir magasvæðið. Þetta var 2 vikum eftir lokaþátt. Ég var sirka 60-70 kg léttari en þegar ég byrjaði árið, en ég var að drepast yfir því hvað ég væri feit þennan dag. Sjá mig!!!! Ég er svo ótrúlega fín og flott þarna – nákvæmlega ekkert að, en samt, SAMT var ég ekki nægilega ánægð án þess að skilja af hverju,“ segir Arna og bætir við að í dag skilur hún af hverju henni hafi liðið svona.
„Núna er ég fyrst og fremst ánægð með persónuna sem líkaminn minn hefur að geyma. Ég þurfti að sættast við hana áður en ég gat sætt mig við líkamann minn og ef ég á að vera hreinskilin þá hef ég ekki tíma lengur né nennu til að hata hann svona heiftarlega.“
https://www.instagram.com/p/B8FRPNzA280/
Þú getur fylgst með Örnu á Instagram @arnavilhjalms
