Í gær hófust þriggja vikna réttarhöld í meiðyrðamáli sem að Johnny Depp höfðar gegn The Sun, sem kallaði hann ofbeldismann árið 2018. Fyrrverandi kærasta Depp, Amber Heard, hefur sakað leikarann um gróft ofbeldi. Depp og lögfræðingar hans segja hins vegar að hann hafi aldrei slegið konu og að það sé hægt að sanna.
SJÁ EINNIG: Segist aldrei hafa slegið konu – Johnny Depp og Amber Heard mætast í réttarsal
Depp og Heard virðast ekki vera sammála um hvað olli skilnaði þeirra. Heard segir að umrætt ofbeldi hafi orsakað skilnaðinn. Depp segir hins vegar að hann hafi sótt um skilnað eftir að hún, eða mögulega einhver vinur hennar hafi kúkað í hjónarúm þeirra.
Samkvæmt skjölum frá lögfræðingum Depp viðurkenndi Heard verknaðinn. Hún á fyrst að hafa kennt hundi um hægðirnar, en síðan kallað athæfið „harmlausan hrekk“. Frá þessu greinir Page Six.
Þá voru fíkniefnamál ansi áberandi í dómsalnum í gær. Depp játaði til að mynda að hann hafi notað öll fíkniefni sem að mannskepnan hefur komist í snerti við. Þá var hann ásakaður um að hafa gefið dóttur sinni, Lily-Rose Depp, marijúana þegar hún var einungis þrettán ára.
Samkvæmt The Evening Standard viðurkenndi Depp að hafa gefið dóttur sinni marijúana úr „öruggu safni“ sínu. Ástæðan á að hafa verið að honum þætti betra að hún myndi prófa það í öruggu umhverfi frekar en einhversstaðar þar sem hún væri eftirlitslaus. Um málið á hann að hafa sagt:
„Ég veit hvað er mikilvægast fyrir barn ef að þú ætlar að gera eitthvað eins og þetta. Ég vil frekar að þau verði heiðarleg við mig og að ég verði heiðarleg við þau, svo hún fari ekki eitthvað út og geri eitthvað og feli það svo fyrir mér“
„Ég vil að hún treysti mér. Ef að dóttir mín segist vera tilbúin, þá er hún tilbúin. Ég vildi bara sjá til þess að aðstæðurnar væru fullkomnar, setti á fjölskyldumynd, fyllti frystikistuna af ís, búa til aðstæður sem eru eins góðar og mögulegt er.“
Þá sagðist Depp kunna að meta að fólk gagnrýndi þetta, en að í hans augum væri þetta ábyrgt uppeldi.
Líkt og áður segir játaði Depp að hafa nota virkilega mikið magn af fíkniefnum. Minnst var á Kókaín, LSD, E-töflur, sveppi og læknadóp. Hann sagði að fíkniefnin væru það eina sem að slægi á sársaukann.
Verjendurnir í málinu hafa sagt að annaðhvort sé Depp sjúklegur lygari, eða þá að áfengis og vímuefnanotkun hans hafi gert hann gjörsamlega ómeðvitaðan um eigin gjörðir.
