Áhrifavaldurinn Móeiður Lárusdóttir og landsliðsmaðurinn Hörður Björgvin Magnússon eiga von á sínu fyrsta barni. DV fannst því tilvalið að lesa í stjörnumerki tilvonandi foreldra og sjá hvernig þeir eiga saman.
Móeiður er ljón en Hörður er vatnsberi. Þetta er svo sannarlega par sem tekið er eftir þar sem vatnsberinn er afar vitur og ljónið einstaklega skapandi. Þetta ástarsamband er stútfullt af orku og í raun er fátt sem getur stöðvað þessi tvö.
Vissulega myndast oft mikil keppni á milli ljónsins og vatnsberans en hún er ávallt á góðum nótum og er sambandið traust. Þessi merki eru bæði mjög nýjungagjörn og leita uppi nýjar áskoranir. Þau eru adrenalínfíklar og suma daga er lífið einn stór leikur.
Ljónið dáist að sjálfstæði og lífssýn vatnsberans á meðan vatnsberinn elskar sjarma og reisn ljónsins. Vatnsberinn fær nýjar hugmyndir daglega en hefur ekki alltaf drifkraftinn til að koma þeim í verk. Þann kraft hefur ljónið.
Í þessu sambandi getur komið babb í bátinn ef ljónið leyfir vatnsberanum ekki að halda sjálfstæði sínu eða ef vatnsberinn hættir að tala um tilfinningar sínar.
Móeiður
Fædd: 20. ágúst 1992
Ljón
-skapandi
-ástríðufull
-örlát
-hlý
-hrokafull
-ósveigjanleg
Hörður
Fæddur: 11. febrúar 1993
Vatnsberi
-atorkusamur
-frumlegur
-sjálfstæður
-mannvinur
-flýr tilfinningar
-skapstór