Tia Christofi er 18 ára og amma hennar, Lesley Maxwell, er 63 ára. Þær hafa slegið í gegn á samfélagsmiðlum síðustu daga eftir að Tia deildi myndbandi af þeim æfa saman.
Þær eru vægast sagt í hörkuformi, sérstaklega Lesley. 63 ára amman tekur upphífingar eins og ekkert sé og gefur barnabarni sínu ekkert eftir.
Sjáðu myndbandið hér að neðan.
Tia er með yfir 118 þúsund fylgjendur á Instagram og vakti myndbandið mikla athygli. Miðlar eins og News.com.au, Metro og Yahoo News hafa fjallað um þær.
Lesley er með yfir 25 þúsund fylgjendur og er, eins og barnabarn sitt, ófeimin að sýna líkama sinn á miðlinum. Enda er hún fyrrum heimsmeistari og með ótal marga fitness titla undir beltinu.
„Ég hef alltaf haft mikinn áhuga á fitness og heilsu og ég var ákveðin að finna leið til að næra líkama minn og bæði líða og líta unglega út,“ segir Lesley við Metro og segir að lykillinn á bak við unglegt útlit hennar er að æfa með lóðum. „Það getur virkilega lyft og tónað rassinn og hendurnar betur.“
