„Ég segi smá fæðingarorlofi þar sem að fyrstu sex mánuðina var ég í námi, þannig ég tek þetta í annarri röð en margar mæður.“
„Ég var að læra dýralækningar á Spáni, ég fæddi svo frumburðinn í miðjum lokaprófum. Sem leiddi til þess að ég náði ekki að klára nægar einingar til að komast upp á næsta skólaár. Fluttum við því aftur heim til Íslands í lok sumars. Ég hef verið að vinna og eftir áramót stefni ég svo á að fara aftur í hagfræði í HÍ. Á ekki svo mikið eftir í því.“
„Áhugamálin mín eru hundarnir mínir, söngur, samfélagsmiðlar, svo finnst mér mjög gaman að klæða barnið mitt upp í sæt föt. Ætli það sé ekki nýjasta áhugamálið,“ segir Hrefna Líf, sem svarar spurningum Bleikt.
Persónuleiki þinn í fimm orðum? Hreinskilin, einlæg, brussa, jákvæð og metnaðarfull.
Hver er þinn helsti veikleiki? Ég er rooosalega aumingjagóð. Vil öllum of vel. Sem er algjörlega kostur nema þegar fólk spilar inn á það.
Stíllinn þinn í fimm orðum? Þægilegt, litríkt, glitrandi, vítt og var ég búin að segja þægilegt?
Hvernig eru þínar jólahefðir? Núna eru fyrstu jólin okkar saman sem fjölskylda. Ég til dæmis borða alltaf hangikjöt á aðfangadag. Við hjúin erum með mjög ólikar skoðanir hvað varðar jól og hefðir. Þannig að ég ætla reyna finna einhvern milliveg.
Hvað er best við jólin? Að vera í fríi. Ég hef alltaf unnið svo mikið þegar aðrir eru í fríi að núna ætla ég loksins að vera í fríi og njóta þess að vera með mínu fólki.
Ef þú ættir fimm milljónir til að eyða í eitthvað – hvað yrði það? (bannað að segja skuldir) Ég myndi ferðast enn meira um heiminn og kaupa mér svo fimm bolabíta.
Twitter/Facebook/Snapchat/Instagram? Ég bara get ekki Twitter, er búin að reyna. En það eru allir alltaf í fýlu þar. En ég er all in á öllum öðrum miðlum.
Hvaða hlutar gætir þú ekki verið án? Flestir segja símann sinn….en hefur þú einhvern tímann farið í ferðalag og gleymt hleðslutækinu? Mjög mikilvægt að hafa þessa tvo hluti alltaf saman!
Hvað óttastu mest? Að missa þá sem að ég elska mest.
Hvaða tónlist er á spilunarlistanum? Jólalög.
Áttu þér eitthvað „guilty pleasure”? Vanilluís með svona súkkilaðisósu sem að harðnar. Hlutföllin eru: 30% ís, 70% sósa.
Hver væri titill ævisögu þinnar? Fædd í fangelsi, alin upp á sambýli.
Hvaða leynda hæfileika hefur þú? Ég get talað eins og Andrés önd og sungið eins og Cartman.
Hvað fékk þig til að tárast síðast? Þegar ég fór til Noregs fyrir mánuði síðan að sækja hundana mína. Ég hafði ekki séð þá í fjóra mánuði þar sem þeir voru að bíða eftir að komast að í einangrun hér á Íslandi.
Fyrirmynd í lífinu? Þetta er svo leiðandi spurning! Auðvitað ætti ég að segja mamma, en ég lít upp til svo margra. Fólk sem að berst fyrir sínum skoðunum, lætur ekkert stoppa sig og gefst aldrei upp. Mér finnst virkilega aðlaðandi þegar fólk vill komast langt í lífinu á eigin verðleikum og án þess að skemma fyrir öðrum á leið sinni þangað. Var þetta ekki annars spurningin?
Hvaða sögu segja foreldrar þínir endurtekið af þér? Þær eru nú nokkrar. Allar eiga þær það sameiginlegt að lýsa hversu framhleypin og filterslaus ég var. Ég spurði flesta hvað þeir væru með í laun.
Ertu með einhverja fobíu? Já ég fokking hata tær…ég get þær ekki!
Hver er besta ákvörðun sem þú hefur tekið? Að fara sem skiptinemi þegar ég var 17 ára til Ekvador. Ég lærði nýtt tungumál og fór út fyrir þægindarammann.
Hvað er neyðarlegasta atvik sem þú hefur lent í? Þegar ég var 14 ára gömul. Þá stalst ég á Glaumbar. Móðir mín frétti af því og sótti mig inn á skemmtistaðinn. Hún tilkynnti svo dyravörðunum að ég væri 14 ára gömul og að þeir ættu að muna andlitið mitt svo ég kæmist ekki aftur þar inn….svo rölti hún með mig yfir á Gaukinn og sagði það sama þar. Mig langaði að sökkva svo langt niður í jörðina á þessu mómenti!
Með hverjum lífs eða liðnum myndir þú vilja verja einni kvöldstund? Adele, ég held við myndum skemmta okkur vel saman!
Lífsmottó? Að sjá aldrei eftir þeim ákvörðunum sem ég tek.
Hvar er hægt að fylgjast með þér? Hvar ekki! Snapchat og Instagram er hægt að finna mig undir: hrefnalif, svo er ég með blogg: hrefnalif.com
Hvað er framundan hjá þér á nýja árinu? Svo margt! Mörg leyniverkefni framundan….just wait and see.
Uppáhalds útvarpsmaður/stöð? Ég hafði lúmskt gaman af FM95 Blö.
Uppáhalds matur/drykkur? Pasta carbonara og Jólaöl.
Uppáhalds tónlistarmaður/hljómsveit ? Ég get ekki svona spurningar! Ég elska allt sem er með soul og rhythm and blues.
Uppáhalds kvikmynd/sjónvarpsþættir? Modern family.
Uppáhalds bók? Pollýanna
Uppáhalds stjórnmálamaður? Þeir eru allir svo miklir krúttkögglar upp til hópa. Ómögulegt að gera upp á milli.
Eitthvað annað sem þú vilt að komi fram? Ég mun koma fram í þættinum Snapparar á Stöð 2 næsta sunnudag, 10. desember.
