fbpx
Fimmtudagur 20.júní 2019

DV - Frjáls og óháður miðill

Fókus

Joaquin Phoenix staðfestur sem Jókerinn í nýrri kvikmynd

Tómas Valgeirsson
Miðvikudaginn 11. júlí 2018 10:30

Ekki missa af Helstu tíðindum dagsins í pósthólfið þitt

Lesa nánar

Bandaríski leikarinn Joaquin Phoenix mun leika lykilóvin Leðurblökumannsins, sjálfan Jókerinn, í nýrri kvikmynd frá leikstjóra The Hangover. Um er að ræða sjálfstæða kvikmynd – sem enn hefur ekki fengið nafn – með illmenninu í forgrunni og þykir jafnvel ólíklegt að myrki riddarinn Batman verði þátttakandi í þessari sögu.

Myndin er sögð tilheyra splunkunýjum myndabálki frá hasarblaðaheimi DC Comics og er hermt eftir að hún segi forsöguna að því hvernig Jókerinn varð að þeim alræmda glæpamanni sem flestir þekkja. Þykir einnig líklegt að sagan gerist á níunda áratug síðustu aldar og mun lauslega sækja innblástur í hina frægu teiknimyndasögu The Killing Joke, eftir Alan Moore.

Fréttamiðilinn The Hollywood Reporter staðfestir að Phoenix hafi samþykkt að taka hlutverkið að sér, en þetta er ekki í fyrsta skipti sem Phoenix er orðaður við kvikmynd eftir myndasögu. Upphaflega kom hann til greina í hlutverk Lex Luthor í Batman v Superman: Dawn of Justice, en hafnaði hlutverkinu sem Jesse Eisenberg var síðar ráðinn í. Einnig var hann í viðræðum við Marvel Studios útaf titilhlutverkinu í Doctor Strange en hafnaði hann því einnig.

Jókerinn var síðast leikinn á hvíta tjaldinu af Óskarsverðlauna-hafanum Jared Leto en hlaut hann vægast sagt blendnar viðtökur í hlutverkinu. Þar áður voru það Heath Ledger heitinn og Jack Nicholson sem slógu í gegn sem glæpatrúðurinn frægi ásamt leikaranum Cesar Romero, en hann lék Jókerinn á sjöunda áratugnum þegar Adam West gekk með grímu Leðurblökumannsins.

Leikstjórinn Todd Phillips (The Hangover 1-3, Due Date, War Dogs) mun einnig skrifa handrit myndarinnar ásamt Scott Silver, en þeir hafa staðfest að myndin verði meira í líkingu við lágstemmda glæpamynd frekar en hefðbundna ofurhetjumynd.

Enn er enginn tímarammi kominn á útgáfu myndarinnar, en samkvæmt fréttamiðlinum hefjast tökur í september og útgáfa því líkleg seinni part næsta árs ef vel gengur.

Hér að neðan má sjá ógleymanlega senu með Jókernum í túlkun Ledger.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Er þetta heimskulegasta atriðið sem hefur komist áfram í America’s Got Talent?

Er þetta heimskulegasta atriðið sem hefur komist áfram í America’s Got Talent?
Fókus
Í gær

Armstrong á Íslandi – „Ísland þú ert fallegt“

Armstrong á Íslandi – „Ísland þú ert fallegt“
Fókus
Fyrir 4 dögum

Guðni Th. lofar Elly: „Hreinskilni ræður, án þess að fólk sé að velta sér upp úr því sem miður fór“

Guðni Th. lofar Elly: „Hreinskilni ræður, án þess að fólk sé að velta sér upp úr því sem miður fór“
Fókus
Fyrir 4 dögum

Bára gat ekki haldið á símanum sökum verkja: „Geturðu sagt mér að ég sé ekki að deyja?““

Bára gat ekki haldið á símanum sökum verkja: „Geturðu sagt mér að ég sé ekki að deyja?““
Fókus
Fyrir 4 dögum

Stóri dagurinn hjá Ernu Hrönn – Sjáðu myndirnar

Stóri dagurinn hjá Ernu Hrönn – Sjáðu myndirnar
Fókus
Fyrir 5 dögum

Liggur flatur eftir 12 ferðir á Esjuna á innan við sólarhring: „Geng ekki um óstuddur“

Liggur flatur eftir 12 ferðir á Esjuna á innan við sólarhring: „Geng ekki um óstuddur“