Þriðjudagur 25.febrúar 2020

Ritdómur um Marrið í stiganum: Vel fléttuð ráðgáta

Ágúst Borgþór Sverrisson
Fimmtudaginn 31. maí 2018 16:30

Ekki missa af Helstu tíðindum dagsins í pósthólfið þitt

Lesa nánar

Eva Björg Ægisdóttir: Marrið í stiganum

384 bls.

Veröld

 

Marrið í stiganum er fyrsta bók Evu Bjargar Ægisdóttur, 29 ára þriggja barna móður frá Akranesi. Hér er um að ræða spennusögu sem vann fyrstu verðlaun í nýrri spennusagnakeppni sem ber heitið Svartfuglinn og höfundarnir Ragnar Jónasson og Yrsa Sigurðardóttir standa fyrir í samvinnu við bókaforlagið Veröld.

Sögusviðið er Akranes en um leið lýsir sagan mörgum neikvæðum hliðum smábæjarbrags sem hugsanlega gætu átt við um hvaða smábæjarsamfélag sem er. Klíkuskapur, þagnarhyggja, slúður og einelti eru meðal skuggahliðanna.

Ennfremur mætti segja að sagan sé eins og skrifuð inn í þá deiglu afhjúpana kynferðisbrota sem kraumað hefur undanfarin misseri. Ólýsanlegir glæpir gegn börnum eru hér draugar fortíðarinnar og tengjast morðinu sem ráðgátan í sögunni snýst um.

Hér er fagmannlega að verki staðið. Sögufléttan er fremur flókin en haganlega gerð og verkið einkennist meðal annars af trúverðugri sálrænni innsýn, t.d. í lýsingum á afleiðingum ofbeldis.

Eva Björg Ægisdóttir.

Marrið í stiganum er vönduð saga en þrátt fyrir að hún lýsi viðurstyggilegum glæpum er hún ekki alltaf áhrifamikil og eitthvað veldur því að kynferðisglæpirnir í bókinni hreyfa ekki mikið við manni, kannski af því stefin eru of kunnugleg úr bæði fjölmiðlaumræðu og öðrum skáldsögum, ekki síst spennusögum. Eftirminnilegri eru sjúkdómseinkennin á smábæjarsamfélaginu, baktalið og hvernig fólk situr uppi með þá stöðu og það álit sem litla samfélagið skaffaði því snemma og það getur ekki brotist undan.

Stíllinn er einfaldur og hnökralítill. Hversdagslýsingar eiga til að vera klisjukenndar en þess á milli flæðir textinn vel og sagan lifnar við. Persónur eru trúverðugar en ekki sérlega eftirminnilegar. Andi sögunnar er gegnsýrður þjáningu.

Afgerandi kostir sögunnar eru góð uppbygging og vel fléttuð ráðgáta með endalokum sem koma á óvart. Í heildina vel samin saga og miðað við byrjendaverk er bókin vel heppnuð.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 klukkutímum

Andstæður mætast – Nenna engu haltu-mér-slepptu-mér veseni

Andstæður mætast – Nenna engu haltu-mér-slepptu-mér veseni
433Sport
Fyrir 5 klukkutímum

Fyrrum dómari í úrvalsdeildinni vill bæta VAR: Dómarar þekkja leikinn ekki nógu vel – Vill sjá fyrrum leikmenn

Fyrrum dómari í úrvalsdeildinni vill bæta VAR: Dómarar þekkja leikinn ekki nógu vel – Vill sjá fyrrum leikmenn
Eyjan
Fyrir 8 klukkutímum

Guðlaugur Þór gagnrýnir S-Araba fyrir mannréttindabrot

Guðlaugur Þór gagnrýnir S-Araba fyrir mannréttindabrot
Fréttir
Fyrir 8 klukkutímum

MYNDBAND: Hrottafull hópárás á ungling – „Ef einhver klagar í fokking lögguna hefur hann verra af“ – UPPFÆRT: Röng staðsetning á atvikinu

MYNDBAND: Hrottafull hópárás á ungling – „Ef einhver klagar í fokking lögguna hefur hann verra af“ – UPPFÆRT: Röng staðsetning á atvikinu
Bleikt
Fyrir 9 klukkutímum

Justin Bieber búinn að slá met Elvis Presley

Justin Bieber búinn að slá met Elvis Presley
Fréttir
Fyrir 9 klukkutímum

Myndband birt af miklum viðbúnaði lögreglu við menntaskóla: Yfirbuguðu ungan mann vegna gruns um akstur undir áhrifum

Myndband birt af miklum viðbúnaði lögreglu við menntaskóla: Yfirbuguðu ungan mann vegna gruns um akstur undir áhrifum
433Sport
Fyrir 10 klukkutímum

Solskjær segir að Lingard og Pereira verði að bæta sig til að komast aftur í hóp

Solskjær segir að Lingard og Pereira verði að bæta sig til að komast aftur í hóp